POP 5

Lajmet më të lexuara të 5 minutave të fundit

Kronikë

Vlorë/ E moshuara rrezikoi mbytjen në det, e shpëton çifti i turistëve ukrainas! Dërgohet me urgjencë drejt spitalit në gjendje të rëndë (VIDEO)

Gruaja rreth 80 vjeçe, ende e paidentifikuar, është nxjerrë nga uji në gjendje të rënduar nga turistët e pranishëm që dëgjuan thirrje për ndihmë e shpëtuan. E moshuara është dërguar me shpejtësi drejt spitalit, për mjekimin e duhur dhe të specializuar, ndodhet në reanimacion

Vlorë- Një grua e moshuar ka rrezikuar sot (28 Janar) mbytjen në det, në rrethana dhe shkaqe që ende po hetohen nga policia vendore.

Ajo u dërgua me urgjencë drejt spitalit rajonal në orët e paradites. Sipas mjekëve, gruaja rreth të 80-ve ndodhet në gjendje të rëndë, në reanimacion. Por heronjtë që e shpëtuan mësohet se janë një çift turistësh nga Ukraina, të cilët thanë se dëgjuan thirrje për ndihmë dhe të bërtitura, duke u zhytur menjëherë në ujë.

Ngjarja ka ndodhur në zonën e Lungomares, në afërsi të portit të Vlorës.

“Ajo është nxjerrë nga uji, nga dy turistë, dhe më pas është transportuar në spital, ku ndodhet në kujdesin e mjekëve. Grupi hetimor vijon punën për identifikimin e shtetases dhe për zbardhjen e rrethanave të rastit”, tha policia vendore.

Gazetari i Report TV, Armand Xhelili, informon se gruaja ka rrezikuar të mbytet në det. Është nxjerrë nga uji në gjendje të rënduar nga personat e pranishëm në vendngjarje dhe është dërguar me shpejtësi drejt spitalit për mjekimin e duhur dhe të specializuar.

Në pamjet e siguruara shihet grupi i ndihmës së shpejtë të mjekëve të spitalit dhe policia që bëjnë ndërhyrjen e nevojshme për ta mbajtur në jetë dhe më pas transportimin me barelë dhe ambulancë drejt spitalit rajonal të Vlorës.

Policia po vijon hetimet për zbardhjen e identitetit të saj, rrethanave dhe motiveve të ngjarjes.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Tragjedia ajrore në Uashington/ Në avionin edhe çifti i kampionëve patinatorë të famshëm! Media ruse: Bashkëshortët Syskova-Naumov ishin në bord (VIDEO)

Tragjedia ajrore në Uashington/ Në avionin edhe çifti i kampionëve patinatorë të famshëm! Media ruse: Bashkëshortët Syskova-Naumov ishin në bord (VIDEO)

30 Janar, 09:06