Video-Ekskluzive/ Bie nga lartësia gjatë kontrollit për kanabis, polici transportohet me helikopter nga Vlora drejt Tiranës

VLORË- Gjatë një operacioni të Policisë së Shtetit dhe Shërbimit për Çështjet e Brendshme dhe Ankesat, për kontrollin e parcelave të kanabisit në jug të Shqipërisë, një punonjës i SHÇBA-së është rrëzuar nga disa metra lartësi duke lënduar shpatullën.

Ngjarja ka ndodhur në malet e Vranishtit ku policët po zhvillonin një operacion për të kontrolluar nëse ka patur mbjellje të parcelave me kanabis.

Burime për Report Tv bëjnë me dije se operacioni i shpëtimit ka zgjatur rreth 30 minuta, ndërkohë që mësohet se gjendja e policit në spitalin e Traumës është jashtë rrezikut për jetën.

LEXO EDHE:
Helikopteri merr flakë në ajër në Florida, pamjet dramatike kur bie në një ndërtesë dhe shpërthen në flakë (VIDEO)

Efektivi është transportuar me helikopter nga Vlora drejt Tiranës, ndërkohë që Report Tv ka siguruar pamjet ekskluzive të shpëtimit të policit.

Siç shihet edhe nga pamjet helikopteri e ka patur të pamundur të shkojë në vendin e plagosjes, ndërkohë që transportin e tij deri në vendin ku ndodhej helikopteri e kanë bërë mjekët dhe kolegët e tij.

Njoftimi i Policisë:

Në kuadër dhe në zbatim të planit të masave të marra për kontrollin e territorit kundër kultivimit të bimëve narkotike gjatë paradites së sotme punonjës policie të DVP Vlorë së bashku me specialistë të SHÇBA-së në DVP Vlorë kanë ushtruar kontrolle në një zonë të thyer malore pranë fshatin Vranisht.

Gjatë patrullimit në këtë zonë specialisti i SHÇBA-së, B.H., 33 vjeç, nuk është ndjerë mirë nga ana shëndetësore dhe ka rrëshqitur në një zonë të thyer. Për pasojë ka marrë dëmtime në krahë.

Për shkak të terrenit ai është transportuar me helikopter në drejtim të Tiranës për të marrë ndihmë më të specializuar mjekësore dhe aktualisht është jashtë rrezikut për jetën.

TAG:
• helikopter

Sondazhi i ditës:

Sa i përhapur është korrupsioni në Shqipëri?

• Shumë

  84.4%

• Pak

  9.2%

• Nuk e di

  6.4%

Vota total: 2659

• Sondazhi i ditës:

  Sa i përhapur është korrupsioni në Shqipëri?

  Shumë Pak Nuk e di