Vlorë/ Sekuestrohen 293 mijë euro llogari bankare të italianit, dyshohet se pastronte para

Një sasi prej 293 mijë euro është sekuestruar në Vlorë, pas një aksioni nga policia e qytetit bregdetar. Llogaria bankare dyshohet se i përkiste një shtetasi italian me inicialet V.L.

Italiani dyshohet se ka kryer veprën penale të pastrimit të parave.

Njoftimi i plotë:

Vazhdon evidentimi i aseteve dhe llogarive bankare të personave të dyshuar për veprimtari kriminale.

Sekuestrohen 293.000 Euro, të dyshuara nga veprimtari kriminale.

Në vijim të punës së saj, Policia Kriminale në bashkëpunim me DVP Vlorë, me Prokurorinë e Rrethit Gjyqësor Vlorë dhe Drejtorinë Hetimore Qëndrore, në kuadër të procedimit penal nr.1263 të vitit 2018, kanë bërë të mundur sekuestro preventive mbi 4 llogari bankare të shtetasit italian V.L.

Vlera monetare e sekuestros preventive të llogarive bankare është 293.000 Euro.

Shtetasi V.L., dyshohet për kryerjen e veprës penale të Pastrimit të produkteve të veprës penale ose veprimtarisë kriminale, parashikuar nga neni 287 i Kodit Penal.

Materialet hetimore iu referuan Prokurorisë për veprimet e mëtejshme.

LEXO EDHE:
SPAK zbardh skemën si vidhen fondet publike: Paratë e korrupsionit transferohen jashtë vendit, ose në “Offshore”

TAG:
• pastrim parash
• italiani
• 293 mije euro

Sondazhi i ditës:

Sa i përhapur është korrupsioni në Shqipëri?

• Shumë

  84.5%

• Pak

  9.5%

• Nuk e di

  6%

Vota total: 1528

• Sondazhi i ditës:

  Sa i përhapur është korrupsioni në Shqipëri?

  Shumë Pak Nuk e di