Vodafone Albania ka prezantuar së fundmi në treg një tjetër shërbim lehtësues për të gjithë klientët Vodafone me kontratë. Vodafone E-Bill është fatura elektronike që i mundëson klientëve  të aksesojnë elektronikisht çdo muaj faturën e detajuar të komunikimit të tyre celular shumë thjesht, shpejt dhe në mënyrë të sigurt. 
 
Vodafone ka gjithnjë në fokus kujdesin ndaj klientit. Ne këtë kuadër, Fatura elektronike Vodafone i mundëson klientëve kontroll të plotë mbi shpenzimet mujore, jep mundësinë e pagesës së faturës online, krijimin e raporteve të ndryshme si dhe mundësi të tjera eksplorimi nëpërmjet menusë kryesore online.
 
Dhe jo vetëm kaq. Të gjithë klientët me kontratë Vodafone që do të zgjedhin të regjistrohen në shërbimin Vodafone E-Bill, do të përfitojnë 1GB internet dhuratë çdo muaj përgjithmonë.
 
Fatura elektronike Vodafone ofron siguri maksimale për të dhënat e komunikimit celular të klientëve me kontratë nëpërmjet kodeve të ndryshëm PIN për çdo aksesim të faturës elektronike. Ky aplikacion u kursen kohë dhe energji përdoruesve, duke u dhënë mundësinë t’i paguajnë detyrimet e tyre online përmes kartave të kreditit ose debitit.
 
Vodafone Albania e sjell këtë aplikacion në kuadër të përgjegjshmërisë sociale të korporatës për mbrojtjen e mjedisit, nën sloganin “më pak letër…më shumë pemë”.
 
Për më shumë informacion rreth Vodafone E-Bill vizitoni www.vodafone.al