INDI- Historia tronditëse e vajzës 18 muajshe me madhësinë e kokës 3 herë më të madhe sesa ajo normale duket se po zgjidhet.

Roona Begum, është vajza 18 muajshe që vuan nga sëmundja e rrallë e quajtur hidrocefalus ose “ujë në tru”.

Vogëlushja iu nënshtrua një operacioni në Nju-Dehli, pas fushatës së mediave indiane dhe “The Sun” për ta ndihmuar, pasi të afërmit e saj e kishin të pamundur të përballonin këtë ndërhyrje.

Gjatë operacionit mjekët arritën të hiqnin një të tretën e ujit në kokën e Roon-ës dhe thanë se vogëlushja po reagon mirë ndaj kurimit.

Pavarësisht kësaj gjendja e fëmijës vazhdon të jetë kritike pasi mbetet përsëri një sasi uji për tu hequr.

Ekziston dhe një rrezik tjetër, pasi vogëlushja mund të mbetet e verbër ose me dëmtime të rënda në tru.

Ndërkohë fondacionet e bamirësisë kanë bërë thirrje për t ardhur në ndihmë të gjithë fëmijëve që janë të prkur nga ky çrregullim.

Redaksia online
(b.t/shqiptarja.com)