Vrasja dhe masakrimi i Shpëtim e Teuta Pashos/ Misteri i shtëpisë ‘fantazëm’ që mund të zgjidhë çështjen e bujshme në Itali

Një shtëpi e dytë përveç asaj e cila ndodhet në Pantano, duket sikur mund të ketë lidhje me zhdukjen çiftit Pasho në Itali, trupat e të cilëve u gjetën të copëtuara në 4 valixhe pak ditë më parë në Sollicciano të Italisë. Shtëpia në fjalë ndodhet në Novoli të Italisë, në këtë apartament “fantazmë”, ku çifti shqiptar mund të ketë jetuar gjatë kohës që qëndronin në Itali.

Dyshohet se çifti Pasho kanë jetuar në këtë apartament në Novoli që nga momenti që kanë arritur në Itali dhe jo në shtëpinë e Elonës siç është thënë, ish partneres së djalit të tyre, Taulant.

Avokati i Elonës, ka folur për “La Republica” ku tha se Shpëtimi dhe Teuta Pasho kanë qëndruar në Novoli. Ai ka theksuar se “ Elona me 2 nëntor ka drekuar së bashku me bashkëshortin e saj, vetëm në shtëpinë e tyre në Pantano, ku edhe jetonin". 

Vajza e çiftit Pasho, Vitoria Pasho kur ka folur për mediat shqiptare ka përmendur ekzistencën e një shtëpie tjetër po pa u zgjeruar në detaje.

Apartamenti në Novoli, nëse konfirmohet nga autoritetet italiane, do të luantë një rolë të rëndësishëm pasi mund të jetë vendi ku ka ndodhur krimi ose vendi ku janë mbajtur kufomat për tre vjet, derisa janë futur në valixhet në të cilat edhe janë gjetur, shkruan “La Republica”

Vitoria riktheu ditët e fundit të prindërve të saj para zhdukjes së tyre, më 2 nëntor 2015. Shpëtimi dhe Teuta, thotë gruaja, kishin shkuar në Castelfiorentino në fund të tetorit për të qenë me të dhe motrën e saj Dorina. Të Shtunën, më 31 Tetor ata kanë kaluar kohë së bashku dhe të nesërmen çifti u largua, ata morën një tren për të arritur në Firence.

Sipas “La Republica”, pikat të cilat janë në mëdyshje janë të shumta, në ditën 2 nëntor vajzat kanë humbur çdo kontakt me prinërit e tyre. Tre ditë më vonë ato kanë marrë një telefonatë nga një numër anonim ku i foli një zë gruaje, nëna e tyre siç pretendonte ajo, i tha se sëbashku me bashkëshorti i saj do të largoheshin. Vitoria ka pyetur se për ku po largoheshin por linja ka rënë menjëherë.

Fakti që çifti kishte një shumë të madhe parash në shtëpi, sa vjen e bëhet edhe më i sigurt. “Im atë kishte pësuar një aksident të rëndë me makinë. Duhet të merrte 85 mijë euro, por mori vetëm 45 mijë“, thotë Vittoria, e cila shton se 5 mijë euro ia kishin dhënë asaj për të blerë një makinë, ndërsa të tjerat i kishin marrë me vete. Në fund, Vittoria përjashton pistën e hakmarrjes kundër vëllait. “Nuk besoj se kanë pritur prindërit e mi, kur kishin mua dhe motrën time këtu gjatë gjithë kohës“.

Detaje të reja tronditëse për vrasjen e çiftit Shpëtim dhe teuta Pasho në Itali, janë bërë publike në mediat. Çifti Pasho mësohet të jenë vrarë në shtëpinë ku ata qëndronin me qira, muajin e fundit. Aty ku edhe ata janë masakruar dhe vendosur në katër valixhet e gjetura në afërsi të burgut Solliciano. Sipas të dhënave të fundit Shpëtim Pasho është vrarë me thikë, në kohën kur ai po flinte gjumë, prandaj në trupin e tij nuk ka shenja dhune. Ndërkohë që Teuta Pasho, është rrahur për vdekje, dëshmi për një gjë të tillë janë hematomat dhe kockat e thyera të gruas. Dëshmi për këtë është fakti se në momentin e vrasje çifti ka qenë i veshur me pizhama gjumi.

Pas vrasjes trupat e tyre mësohet se janë prerë me sharrë elektrike dhe janë mbështjellë me materiale të ndryshme. Gjendja e mbetjeve të dy viktimave, të cilat nuk ishin të konsumuar në një shkallë të madhe, theksojnë ekspertët mund të jenë mbajtur në frigorifer për disa kohë.

Shpëtim dhe Teuta Pasho u gjetën të masakruar më 15 dhjetor në 3 valixhe, ndërkohë që një ditë më vonë u gjet e katërta me pjesët e tjera të trupave. 

J.GJ./b.ha./Shqiptarja.com

TAG:
• itali
• shpetim pasho
• teuta pasho
• cifti pasho