POP 5

Lajmet më të lexuara të 5 minutave të fundit

Kronikë

Vrasja e Ardian Nikulajt, shtyhet gjyqi për portugezin Ruben Saraiva! Priti një orë në korridore, masa të forta sigurie, mungoi përkthyesja

Nën masa të rrepta sigurie, Ruben Saraiva u paraqit për herë të parë si i pandehur në Gjykatën e Lezhës. Akuzohet se vrau me pagesë biznesmenin Nikulaj. Nën akuzë edhe 4 britanikë dhe organizatori Edmond Haxhia 

Vrasja e Ardian Nikulajt, shtyhet gjyqi për portugezin Ruben Saraiva! Priti një orë në korridore, masa të forta sigurie, mungoi përkthyesja

Ruben Saraiva në Gjykatë dhe biznesmeni i vrarë, Ardian Nikulaj

Lezhë- Portugezi Ruben Saraiva, i vënë nën akuzë për vrasjen me pagesë të biznesmenit Ardian Nikulaj në Shëngjin dy vite më parë, u paraqit për herë të parë në gjykatë në cilësinë e të pandehurit për këtë krim.

Seanca paraprake gjyqësore në ngarkim të tij ishte planifikuar të zhvillohej paraditen e së mërkurës (26 shkurt), por u shty për shkak të mungesës së mbrojtësit ligjor dhe të përkthyeses.

Nën masa të rrepta sigurie, i pandehuri qëndroi për rreth 60 minuta në ambientet e gjykatës dhe më pas u largua drejt Burgut 313 në Tiranë, në pritje për t’u përballur në seancën e radhës gjyqësore. 

Ndaj 30-vjeçarit portugez Prokuroria e Lezhës ka ngritur akuzat "vrasja për gjakmarrje", e kryer në bashkëpunim dhe "armëmbajtja pa leje", teksa tashmë do të jetë gjykata e cila do të vendosë, nëse kjo çështje do të kalojë për gjykim themeli apo do të kthehet për plotësim hetimesh.

Portugezi Ruben Saraiva u ekstradua në Shqipëri me 31 dhjetor të vitit 2023, pas vendimit të Gjykatës së Marokut, e cila pranoi kërkesën e autoriteteve shqiptare. Prej asaj kohe ai po qëndron në paraburgimin e Tiranës, në pritje për t’u përballur me drejtësinë shqiptare, ndërsa në vazhdimësi e ka mohuar që të ketë lidhje me vrasjen e biznesmenit Ardian Nikulaj në Shëngjin.

Për krimin, të akuzuar janë edhe 4 shtetas britanikë që ndihmuan, si dhe i dyshuari Edmond Haxhia, si organizator dhe porositës i vrasjes me motive gjakmarrjen.
Ardian Nikulaj u ekzekutua më 19 prill 2023 në Shëngjin, në ambientet e lokalit të tij ‘Coral’, në hotelin buzë detit. 

Vrasja e biznesmenit Ardian Nikulaj ishte në vazhdën e zinxhirit të hakmarrjes që familja e viktimës kanë me fisin Lekstakaj, konflikt ky që ndër vite (që nga 1997) ka shkaktuar bilanc me shumë viktima.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Biznesi: 26/02/2025 15:42

    Per vrasjen e biznesmenit. Si shum biznesmena vriten ne Shqiperi me duket mu. Thon qe kur e ke me djers nuk te gjen gje

    Përgjigju
  • Sondazhi i ditës: 30 Mars, 00:06

    Programi i PS, a ju duken të realizueshme objektivat ekonomikë?

Lajme të tjera



×

Lajmi i fundit

Media greke: Klani i ndërtimit në Mykonos dhe vrasja në burg e Alfons Doçit! Çfarë fsheh audio-dëshmia e shqiptarit?

Media greke: Klani i ndërtimit në Mykonos dhe vrasja në burg e Alfons Doçit! Çfarë fsheh audio-dëshmia e shqiptarit?

30 Mars, 16:28