Shkodër- Policia e Shkodrës po heton personat që shoqëronin Arjan Ferracakun, ditën që atij iu bë atentat. Burime nga policia e këtij qyteti thanë për Report TV se ka dyshime që njëri nga të pranishmit, kur u vra Arjan Ferracaku, ka njohur autorin por deri më tani ka refuzuar të flasë për Policinë.
Dyshimet e hetuesve janë që ky person ose ishte në dijeni për ndonjë gjobë që mund ti jetë vendosur Arjan Ferracakut, ose kishte informacione për konfliktin e 30-vjeçarit me persona të tjerë.
Deri më tani asnjë prej 5 personave që ishin të pranishëm kur Ferracaku u qëllua rreth 15 herë, nuk ka pranuar se mund të kenë parë në fytyrë autorët, pasi janë trembur dhe kanë ikur me vrap.
Nga të dhënat e tabulateve telefonike ka rezultuar se Arjan Ferracaku ishte një njeri familjar dhe i rregullt në Shkodër. Ai nuk kishte precedent penal dhe nuk kishte konflikte me njeri. Edhe nga dëshmitë e miqve dhe familjarëve ka rezultuar se 30-vjeçari nuk ishte problematik në Shkodër.
Për këto arsye po hetohen personat që e shoqëronin atë, sepse ka dyshime të forta që njëri prej tyre të kishte informacion për ndonjë kërcënim apo gjobë që mund ti jetë vendosur Arjan Ferracakut.
15 të shoqëruarit e tjerë kanë mohuar se kishin informacion për ngjarjen. Ndërkohë uniformat blu të Shkodër kanë pyetur edhe disa turistë kosovar të cilët ishin duke bërë hipizim në zonë. Ata kanë thënë se kanë dëgjuar të shtënat dhe kanë parë një person të ikë me vrap, por nuk kanë arritur dot të dallojnë fytyrën e tij, pasi ishin më shumë se 300 m larg.
Hetimet për vrasjen e Arjan Ferracakut deri më tani janë në vendnumro, pasi nuk janë gjetur prova që mund të identifikojnë autorët. Ministri i Brendshëm Fatmir Xhafaj u ka vendosur ultimatum drejtuesve të Policisë Shkodër se nëse nuk zbardhin ngjarjen, atëherë do të ketë masa deri në largim nga detyra.
30-vjeçari Arjan Ferrcaku u vra mesditën e së shtunës, në një fushë në periferi të Shkodrës.
Komente
Lajme të tjera
-
Kërcënuan një familje në Kuçovë dhe dhunuan kryefamiljarin me shkopa bejzbolli, nis hetimi për 2 prej 6 agresorëve
11 Tetor 2021, 12:45 -
4 të vrarë e 2 të plagosur për shezlongët në Velipojë! Vriten anëtarë të 2 familjeve pronarë hotelesh, Ferracaku dhe Gocaj! Vdes edhe një 20-vjeçar, filloi dje punë si kamarier! Dhjetëra të shoqëruar
27 Qershor 2021, 02:10 -
Maqedoni e Veriut, arratiset ish-shefi i inteligjencës Sasho Mijallkov, i pakapshëm nga shteti
22 Shkurt 2021, 17:03 -
Akuzohet se nxiti rebelimin për sulmin e Kongresit të SHBA, Trump hedh poshtë kërkesën për të dëshmuar në gjyqin e Senatit
5 Shkurt 2021, 08:03 -
Pse më sheh? Si nisi sherri në Shkodër, biseda mes dy shokëve për armën para vrasjes: Mbaje ta kesh aty, të ruash veten (Ekskluzive-dëshmia e plotë)
22 Gusht 2020, 10:03
-
Vrasja për mobiliet në Shkodër, shënjestra shpëtoi, kapet i riu që vrau aksidentalisht shokun e ngushtë, në kërkim vëllai kampion i Taekwondo-s
18 Gusht 2020, 08:28 -
Vritet në atentat me 14 plumba në Shkodër ish-futbollisti i Vllaznisë
17 Gusht 2020, 21:59
Dhe ua ka fajin Policia ketyre spurdhjakeve qe nuk bashkepunojne.
PërgjigjuPse o gar Shkodre duke e mbajtur gojen mbyllur do e kete te gjate jeten? Kush do ia siguroje po nuk ia siguroi Policia e Shtetit? Si do zbardhen ngjarjet dhe te shkojne pas hekurave kriminelet nese nuk bashkepunojne me policine dhe prokurorine? Po ata qe marrin gjoba pse nuk denoncojne ne polici po presin vdekjen si heronj te kotesise nese ky ka qene motivi i vrasjes se te ndjerit?
Si te bashkepunojn o legen apo ta vrasin sa te dali nga komisariati?? Ku kujton se je ketu ? Ketu nje talefonat te bash per nji denoncim edhe ja jep policia numrin direkt kush ka padit