Gjykata e Apelit në Tiranë ka rikthyer në burg Kreshnik Tushën, i arrestua më herët dhe lënë më pas në arrest shtëpie, në lidhje me ngjarjen e vrasjes së dy biznesmenëve në Laç mbrëmjen e 30 majit, Bujar Lika dhe Paulin Gjergji.
Kreshnik Tusha u arrestua mbrëmjen e vrasjes, ku u paraqit i plagosur në spitalin e Kurbinit, por që me identifikimin e autorëve të vrasjes së Bujar Likës dhe Paulin Gjergjit, u la në arrest shtëpie. Fakti që ai nuk ka bashkëpunuar me drejtësinë dhe nuk ka sqaruar se si është plagosur, ka bërë që apeli ta rikthejë atë sërish në burg, në seancën e mbajtur më 5 gusht.
Rikthimi në qeli i 21-vjeçarit Tushës ndodhi pas ankimimit nga Prokuroria se ai nuk është bashkëpunues me drejtësinë.
![](https://shqiptarja.com/template/img/NO_ALFA_Kuadrate shqiptarja.png)
Por ky vendim i Gjykatës së Apelit nuk është pranuar nga avokati i Tushes, i cili shprehet se "drejtësia e ka kapur autorin e vrasjes së dy-fishtë, pse duhet që Tusha të kthehet në qeli".
Më 8 korrik Gjykata e Kurbinit vendosi për 21-vjeçarin "arrest shtëpie", duke vijuar hetimet në lidhje me ngjarjen. Masa e sigurisë për Tushën u ndryshua pas identifikimit dhe prangosjes së dy nga autorëve të dyshuar të kësaj ngjarje, Eduart Lamaj dhe Ilir Xhepës.
Viktimat, Paulin Gjergji dhe Bujar Lika
Kreshnik Tusha
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
Nuk ju paske mbush xhepat gjykatesve ne apel per ate te kthyn ne burg
Përgjigju