X

POP 5

Lajmet më të lexuara të 5 minutave të fundit

Kronikë

Politikë

Vrasja e ekstremistit, Shpëtim Idrizi: Varrezat e Ushtarëve Grekë, arsye pelegrinazhi për ta

Kreu i PDIU-së, Shpëtim Idrizi në një deklaratë për shtyp ka komentuar vrasjen e ekstremistit grek në Bularat të Gjirokastrës.

TIRANË- Kreu i PDIU-së, Shpëtim Idrizi në një deklaratë për shtyp ka komentuar vrasjen e ekstremistit grek në Bularat të Gjirokastrës.

Në deklaratën e tij, Idrizi është shprehur se për këto arsye, ai dhe partia e tij kanë kundërshtuar ngritjen e Varrezve të Ushtarëve Grekë pasi sipas tij, ato vende janë një arsye pelegrinazhi për qarqet ekstremiste Greke të Vorio-Epirit.

Do të mjaftonte ngritja e një memoriali dhe dërgimi i të rënëve pranë familjeve të tyre në Greqi dhe jo ngritja e fantazmave të Vorio-Epirit. Festa e Greqisë mund të festohet në Greqi, e jo me ekstremistë të importuar në varre imagjinare ushtarësh pushtues grekë dhe që lëvizin të lirë, duke rrezikuar integritetin tonë.

Shpëtim Idrizi, kreu i PDIU-së

Më tej, Idrizi u shpreh se kishte dy pyetje publike për Ministrinë e Brendshme dhe SHISH.

1. A janë ndaluar në datën 25 Tetor nga policia e Shtetit, në pikën kufitare të Kakvijës, anëtarët e bandës së Vorio–Epirit, shtetasit Grekë, Mondis Kokalias dhe Theodhoros Asvestopulos për 4 orë?

2. A janë liruar më pas këta shtetas me ndërhyrjen e Konsullit Grekë të Gjirokastrës?

Shpëtim Idrizi, kreu i PDIU-së

Në fund, Idrizi i ka bërë thirrje Ministrisë së Jashtme që të kërkojë urgjentisht nga autoritetet greke shpjegime edhe për skandalin e fondeve sekrete.

Ministria e Jashtme të kërkojë llogari për financimet sekrete të Ministrisë së Jashtme, standart që nuk ekziston në diplomacinë perëndimore e të vendeve të NATOS.PDIU do të kërkoj zyrtarisht që Prokuroria të hapë hetimet për fondet sekrete Greke, për të cilën po bëjmë gati denoncimin tonë.

Shpëtim Idrizi, kreu i PDIU-së

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Ilir Meta sulmon kreun e SPAK, si e vlerësoni?

Lajme të tjera



×

Lajmi i fundit

Kroaci, partia konservatore në pushtet fiton shumicën në zgjedhje, por nuk mund të qeverisë e vetme

Kroaci, partia konservatore në pushtet fiton shumicën në zgjedhje, por nuk mund të qeverisë e vetme

18 Prill, 08:21