Vrasja e Florjan Lamçes/ Dëshmia e vëllait: Kjo është vajza që ia dha numrin e telefonit djalit të Qazim Sejdinit, më pyeti 'a bëri mirë'! Si e mora vesh lajmin

Vrasja e Florjan Lamçes/ Dëshmia e vëllait: Kjo është vajza që ia dha numrin e telefonit djalit të Qazim Sejdinit, më pyeti 'a bëri mirë'! Si e mora vesh lajmin

Sokol Sanxhaktari, Florjan Lamçe dhe Ardiano Hajdari

ELBASAN- Misto Baholli, (Endriti) ka dhënë detaje të reja lidhur me vrasjen e vëllait Florjan Lamçes mbrëmjen e 30 korrikut në Elbasan. Në dëshminë e tij, Baholli përmend emrin e një vajzeje, Mira Bebi, sipas së cilit është ajo që i ka dhënë numrin e telefonit Alion Sejdini (djalit të Qazim Sejdinit). Madje ajo e kishte marrë në celular, rrëfen Baholli, për ta pyetur nëse "kishte bërë mirë apo jo".

“Mira Bebi më tha ‘i dhashë numrin e Florit, ishte Alion Sejdini, a bëra mirë’. Në atë moment vajta të njoftoj Florin te banesa e tij te Stacioni i Trenit, por e gjeta në gjumë dhe nuk munda që t’i thosha se i kishin kërkuar numrin,” ka rrëfyer Baholli. Lajmin se vëllai i tij ishte vrarë, Baholli tregon se e kishte marrë vesh nga një person i quajtur Endri Baku. Ka qenë ora 05:00 të mëngjesit, kur Baholli ka mësuar lajmin e trishtë, teksa tregon se me dhëndrin e Qazim Sejdinit, Sokol Sanxhaktari (autori) kishte kohë që nuk kishte pasur kontakte.

“Kur vajta te lokali, pashë shiritat e Policisë dhe në spital arrita ta shoh të vdekur vëllanë. Kishte goditje, prerje me thikë në krahë, kokë dhe këmbë. Flori kishte kohë që nuk kishte kontakte me Sokol Sanxhaktarin dhe nuk e di se përse erdhi t’i kërkonte numrin,”– ka vijuar ai në deklaratën e tij.

Lidhur me vrasjen e Lamçes, Gjykata ka lënë në burg Sokol Sanxhaktarin, dhëndri i ish-kryetarit të Bashkisë Elbasan, Qazim Sejdini, dhe mikun e tij Adriano Hajdari. Po si ndodhi ngjarja? Ngjarja ndodhi në 30 korrik të këtij viti në orën 4 të mëngjesit. Sanxhaktari, Hajdari dhe Florian Lamçja ndodheshin në një lokal në zonën e Elbasanit duke konsumuar pije alkoolike dhe nargjile. Të dehur, pas debatit, Sokol Sanxhaktari dhe Adriano Hajdari goditën duke lënë të vdekur shokun e tyre.

Sipas vendimit të gjykatës, Florian Lamçja gjeti vdekjen si pasojë e goditjeve të shumta në kokë karrige  me të cilin  është qëlluar disa herë në kokë. Por veç dëmtimeve të shumta në fytyrë, kishte një të çarë me mjet prerës në parakrahun e dorës së djathtë.

Dy të arrestuarit para grupit hetimor kanë deklaruar se ishin të dehur dhe nuk mbajnë mend çfarë ndodhi.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Adi: 02/09/2020 01:58

    Po fituan edhe kesaj here mori fund shqiperia dhe sdo mbetet kembe shqiptari ne ate vend

    Përgjigju
  • Kokcepat: 30/08/2020 16:35

    Dava kokcepash..vari leshte !!

    Përgjigju
    • xhejms roxhers: 31/08/2020 09:25

      kokcepa me marsup ne shpatull, marsupa me allti, syze floriri e puro te dora. jeta e alkapones - endrra e cdo marsupjali nga albanistani vllai...

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Armë për Ukrainën/ A mund të ndihmojë Ballkani Perëndimor?

Armë për Ukrainën/ A mund të ndihmojë Ballkani Perëndimor?