Vrasja makabër e 8-vjeçarit në Fier, reagon  Meta: Thirrje alarmuese për institucionet! Nuk funksionon sistemi! Institucionet përgjegjëse se nuk përmbushën detyrimet

Presidenti i Republikës, Ilir Meta, ka reaguar ashpër pas vrasjes makabre të 8-vjeçarit në Fier, Mateo Vasiu. Meta bën përgjegjës institucionet që sipas tij nuk kanë bërë detyrën.

"Vrasja e të miturit ditën e djeshme në qytetin e Fierit, nga një person me precedentë penalë, është thirrje alarmuese për institucionet shtetërore dhe tregues i mosfunksionimit të zinxhirit të sistemit, nga vënia e drejtësisë, deri te ndëshkimi e më pas rehabilitimi. Krimi makabër i djeshëm, që i mori jetën një fëmije të pafajshëm, ka autor, por ka dhe bashkëpërgjegjës, që nuk kanë përmbushur detyrimet shtetërore, duke krijuar terrenin për këtë vepër penale. Nuk mjafton, që përfaqësuesit e institucioneve të dalin me shprehje tronditëse për ngjarjen dhe ta dënojnë atë. Duhen ndërmarrë nisma konkrete për të forcuar hetimin, parandalimin e veprave të tilla nga individë, që dukshëm kanë premisat për të qenë recidivistë dhe për t`u përfshirë në krim, dhe për të cilët sistemi rehabilitues penitenciar dhe i post vuajtjes së dënimit, nuk ka funksionuar.  Nuk kam fjalë për të ngushëlluar familjen e të voglit Mateo.  Zoti dhe drejtësia ua lehtësoftë dhembjen", shkruan Meta.

Lajmi kryesor:

Tragjedia në Fier, Rama: Dënimi me vdekje nuk zgjidh asgjë, do ndërhyjmë në legjislacion! Meta: Përgjegjës ata që nuk bënë detyrën! Basha: Kambanë alarmi për institucionet, të veprojnë

K.T.//Shqiptarja.com

TAG:
• rinas
• edi rama
• Fier
• vrasja e mateo vasiut