POP 5

Lajmet më të lexuara të 5 minutave të fundit

Kosova & Rajoni

Vrasja e 31-vjeçarit në Prizren, gjendet një server videosh që mund të hedhë dritë mbi nisjen e konfliktit! ‘Kobra’ mbante kasafortë në shtëpi

Policia e Kosovës ka gjetur një DVR që mund të jetë e lokalit “Kobra City” ku u vra kuksiani Visart Cengu nga pronari Dibran Hoxhaj. Me ekzaminimin e saj hetuesët shpresojnë shumë të shkojnë drejt zbardhjes së ngjarjes, motivet e së cilës kanë mbetur ende të paqarta.

Një DVR (regjistrues videosh) e cila u gjet në shtëpinë e një prej personave të arrestuar, pjesë e grupit të Kobrës, në lidhje me vrasjen e Visart Cengu, dyshohet të jetë ajo DVR që është zhdukur nga lokali “Kobra City” në Prizren natën kur ndodhi krimi.

Në këtë DVR që do të ekzaminohet, besohet janë ruajtur materialet filmike të kamerave të sigurisë që mund të hedhin dritë mbi ngjarjen, nga motivi i nisjes së konfliktit, deri tek të shtënat që morën jetën e Cengut dhe plagosën mikun e tij Rufgen Shehu.

Nga ana tjetër në banesën e autorit kryesorë të dyshuar, Dibran Hoxhajt, është gjetur një kasafortë, e cila pritet të hapet përmes një procedure të veçantë, edhe në pranin e agjentëve anti-eksploziv. Sasi municionesh dhe një granatë dore, i janë bashkëngjitur dosjes hetimore si prova të vlefshme që mund t’i shërbejnë hetimeve.

Të enjten Gjykata Themelore e Prizrenit la në burg për 30 ditë Dibran Hoxhajn dhe pesë personat e tjerë të arrestuar mbi ngjarjen e rëndë. Reagimi i “Kobrës” kur kupton praninë e kamerave në sallën e gjyqit është i menjëhershëm, ai fsheh fytyrën poshtë kapuçit.

Prokuroria dhe Policia e Kosovës janë të rezervuara mbi motivet e sakta të konfliktit, dhe në vendimin e masës së sigurisë së gjykatës nuk përmendet shkëndija e parë e përplasjes. Mediat e Kosovës raportuan për konfliktin e nisur për faturën 400 euro, por një gjë e tillë kundërshtohet me forcë nga familjarët e viktimës. Ata deklarojnë gjithashtu se presin drejtësi nga gjykata në Prizren, por nuk harrojnë të përmendin se nëse “Kobra” del nga burgu, me siguri do të ketë reagim.

Visart Cengu i cili kishte ardhur në vendlindje nga Franca, Rufgen Shehu dhe Arben Basha, të tre miq me njëri-tjetrin, shkuan në Prizren në “Kobra City” për të festuar Vitin e Ri, por dolën nga aty njëri i vdekur e tjetri i plagosur. Pasi u konfliktuan në lokal me stafin shkuan drejt makinës në parking për t’u nisur drejt Kukësit, por pronari Dibran Hoxhaj i ndoqi dhe qëlloi me armë zjarri tre herë drejt tyre.

/K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kukes: 06/01/2023 15:58

    Ky rrac perzier turk nuk e di se ca i ka bo vetes. Eshte mesu duke u rrah me kosovar e ka shku e ka gjujt me arme te kto cunat. Te 3 kto familje vijne nga fshati Shtiqen i Kukesit, jane familje te medha e te nderuara qe nuk ngacmojne njeri po qe ju ka ec dhe ju ecen pushka. Nese del nga burgu kobra kok kari do jete me 100% ne arkivol

    Përgjigju
  • Taulant: 06/01/2023 15:26

    Boll iu referuat si Cobra nje plehre te tille se e kthyet ne legjende urbane, thuajini emrin e tij te zi.

    Përgjigju
  • Fshati: 06/01/2023 14:42

    Paguan ça pare, edhe ligjit ja hedh ky. Ne ne Shqiperi kemi eksperience, vrasesit jetojne te lire dhe viktimat ne burg.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Presidenti ukrainas Zelensky: Kemi çdo shans për t'i dhënë fund luftës në 2025-ën

Presidenti ukrainas Zelensky: Kemi çdo shans për t'i dhënë fund luftës në 2025-ën

24 Nëntor, 08:24