POP 5

Lajmet më të lexuara të 5 minutave të fundit

Kronikë

OFL-ja u çon formularin Llanajt të masakrës së Çoles dhe dy vëllezërve në Fier, në 2018 iu sekuestrua miliona euro pasuri

Me histori konfliktesh prej 1998 dhe i dënuar për masakrën e Çoles në Vlorë, Aleksandër Llanaj do të duhet të justifikojë pasurinë e tij tek OFL. Në sitë do të kalojë edhe pasuria e vëllezërve Vladimir dhe Shkëlqim Çilotajt nga Fieri të dënuar për drogë, prostitucion dhe vrasje.

Vlora dhe Fieri kanë qenë ndalesat e radhës për Operacionin Forca e Ligjit ku u dërgua formulari  pwr justifikimin e pasurisë për 3 të dënuar. Në sitën e verifikimit për të justifikuar pasurinë e vënë ndër vite janë Aleksandër Llanaj dhe vëllezërit Vladimir dhe Shkëlqim Çilotaj. Një emër i lakuar në disa ngjarje është ai i Aleksandër Llanaj, i dënuar për veprën penale” Vrasje kundër dy ose më shumë personave”.

Emri i tij del në skenë në një prej ngjarjeve më të rënda kriminale të regjistruara në qytetin e Vlorës të njohur si masakra e “Çoles”. Ka qenë një zënkë mes të disa të rinjve pas një feste ditëlindjeje, ku mbeten të vdekur Haki Rakipi, Alfred Velaj dhe Albi Limaj. Ndërkohë familja e Aleksandër Llanajt prej vitit 1998 ka një histori konfliktesh dhe hakmarrjesh që nisin nga një zinxhir vrasjesh në Selenicë.

2 të dënuarit e radhës që do duhet ti përgjigjen me shkrim OFL për 48 orë janë vëllezërit Vladimir dhe Shkëlqim Çilotaj. Për Vladimirin Gjykata e Shkallës së Parë Fier ka caktuar masën e sigurisë “Arrest në burg”, për veprat penale “Prodhim dhe shitje narkotikësh” e kryer në bashkëpunim dhe “Prodhim dhe fabrikim i lëndëve narkotike dhe psikotrope”.

Në vitin 2010 në emër të Vladimir Çilotaj policia sekuestroi një magazinë në qytetin e Fierit e përshtatur për kultivim kanabisi.  Nga ana tjetër vëllai i tij Shpëtim Çilotaj rezulton i dënuar për veprat penale “Vrasje me paramendim” dhe “Shfrytëzim prostitucioni”. Në vitin 2018 me urdhër gjykate u sekuestrua pasuria në pronësi të dy vëllezërve e cila përllogaritej në disa milionë euro.

Në atë kohë ReportTV siguroi listën e pasurive të sekuestruara ku rezultoi se në pronësi të dy vëllezërve Çilotaj rezultonin 94 apartamente të vendosura kryesisht në Vlorë, Fier, Sarandë, Tiranë si dhe troje e godina. Krahas këtyre aseteve në pronësi të tyre rezultuan dhe 31 automjete.

Urdhi i gjykatës për bllokimin e pasurisë së tyre erdhi pas dyshimeve se pasuria ishte ngritur si produkt i veprimtarisë kriminale. Gjithashtu u zbulua edhe skema e pastrimit të parave, sipas së cilës vëllezërit Çilotaj duke bashkëpunuar me pronarin e një  pike exchange, bënin transaksione me vlera të larta, për të legalizuar paratë e tyre.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Labi: 09/06/2020 16:11

    Ose ju dukaqotet sjeni dhjar e mbani veten oer te fisem

    Përgjigju
  • Dukaqoti: 09/06/2020 13:00

    Shife ca lloj dhjari esht mor aman ftyre buce paska kur u be trim dhe ky aman ngjan si goce vogel

    Përgjigju
  • Labi: 09/06/2020 12:33

    Hahahahaha o shteti i lleshit si bien dot gomarit i bien samarit

    Përgjigju
    • Loti: 09/06/2020 15:20

      Po meta/rama/berisha kur do ja coni formularin. Sa ju di by*** ju. Beni zhurm kot me kto legenat e vegjel

  • Sondazhi i ditës:

    Skandali tek Onkologjiku, e kujt është përgjegjesia?

Lajme të tjera



×

Lajmi i fundit

Lezhë/ Banesa përfshihet nga flakët, shkak soba e gatimit

Lezhë/ Banesa përfshihet nga flakët, shkak soba e gatimit

3 Korrik, 22:17