POP 5

Lajmet më të lexuara të 5 minutave të fundit

Kronikë

Vrau ish- gruan dhe kunatin në Mirditë/ 47-vjeçari kishte tentuar vetëvrasjen në burg në 2017...ende në arrati

Teksa vijon të jetë në arrati, detaje të reja kanë dalë në dritë, në lidhje me autorin e vrasjes së dyfishtë të ndodhur mbrëmjen e së martës në Kodër-Rrëshen të Mirditës.

MIRDITË- Teksa vijon të jetë në arrati, detaje të reja kanë dalë në dritë, në lidhje me autorin e vrasjes së dyfishtë të ndodhur mbrëmjen e së martës në Kodër-Rrëshen të Mirditës, ku viktima mbetën ish-gruaja,  Esmeralda Filopati 36 vjeçare, nëna e tre fëmijëve, dhe vëllai Vledison Filopati 34 vjeç. 

47-vjeçari Fatmir Koleca, ka tentuar vetëvrasjen në kohën kur ishte i burgosur në Shënkoll të Lezhës. Ngjarja ka ndodhur mëngjesin e 12 shtatorit të vitit 2017-të, teksa ai vuante dënimin për veprat penale “Dhunë në familje” dhe “Prodhim dhe mbajtje pa leje të armëve dhe municioneve luftarake”.

Në njoftimin e policisë në atë kohë thuhej se "në ambientet e brendshme të burgut, në dhomën e tij, Fatmir Kolecaj, është vetëplagosur me një send të mprehtë të prodhuar në mënyrë artizanale. Ai ka qenë lënduar në pjesë të ndryshme të trupit dhe është trajtuar në spitalin e Traumës në Tiranë. Këto veprime të Kolecajt kishin ardhur nën kushtet e rënduara psikologjike të cilat ishin rënduar pas arrestimit dhe burgosjes së tij". Për këtë, ai ka marrë mjekim në spital dhe më përmirësimin e gjendjes psikologjike të tij ai është rikthyer sërish në qelinë ku vuante dënimin.

Dyshimet e policisë janë se 47-vjeçari fshihet në Mirditë, për shkak se favorizohet nga terreni. Ditën e djeshme në zonë ka pasur edhe kontrolle me dron, por deri më tani nuk ka pasur asnjë rezultat. Për kapjen e tij, uniformat blu kanë vënë në dispozicion 5 mln lekë.

Si ndodhi ngjarja? Vëlla e motër u ekzekutuan me breshëri automatiku në oborrin e shtëpisë dy ditë më parë. Esmeralda Filopati punonte shitëse tek një market në qytetin e Rrëshenit, ndërsa mbrëmë i vëllai kishte shkuar ta merrte tek puna dhe teksa po ktheshin në shtëpi janë qëlluar për vdekje. Fatmir Kolecaj nuk ka debatuar me ish-gruan dhe kunatin, por i ka pritur në errësirë në cep të shtëpisë dhe në momentin që po futeshin në oborr i ka qëlluar me breshëri duke i lënë të vdekur në vend. Debatet mes çiftit kanë qenë të hershme për shkak të kujdestarisë për fëmijët, që 47-vjeçari nuk ka mundur ta marrë ligjërisht edhe për arsye të historikut që kishte pasur më parë me dënimin për dhunë në familje, debate këto që pëfunduan me vdekjen e dy personave. 

Sot familja ka hapur dyert e mortit, ku do të përcillen në banesën e fundit motër e vëlla.

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kafsha: 27/02/2020 08:59

    Neandertal!

    Përgjigju
  • Erik: 27/02/2020 08:48

    Pse nuk e late ta bente atehere?

    Përgjigju
    • Erik: 27/02/2020 16:42

      Kam frike se edhe atehere do dilte ndonje qe ben politike me te vdekurit dhe do thoshte vdiq ne burg nje burre pumetor per nje rrahje qe i beri te shoqes nga stresi dhe varferia ku e ka fut kjo qeveri kete vend. Njejte sikur bene para disa ditesh me hajdutin tashme te ndjere qe u kap duke vjedhur njerin qe kishte 12,000 leke ne xhep, por nuk llogarisin se sa hallexhinjve te tjere u ka fikur deren kur u ka vjedh kuleten neper autobuza dhe dyer spitalesh.

    • Ehhh: 27/02/2020 10:44

      Sepse ne duam vetem kriminelet shoku, qe pastaj te dalin e te vrasin nja ca. Kur them ne nenkuptoj shtetin

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kamberi: Nëse protestat 'shuhen', Vuçiç do e çojë Serbinë në diktaturë

Kamberi: Nëse protestat 'shuhen', Vuçiç do e çojë Serbinë në diktaturë

25 Dhjetor, 20:46