Gjykata e Shkallës së Parë të Juridiksionit të Përgjithshëm Elbasan ka dënuar me burg përjetë Tefik Tashin, pasi një vit më parë vrau me sëpatë kunatën e tij.
58-vjeçari Tefik Tashi vrau me sëpatë kunatën e tij më 17 maj 2023, teksa ishte në gjendje të dehur dhe pas krimit u kap nga policia duke ecur me armën e krimit të mbuluar me gjak.
Ai deklaroi se aktin e rëndë e kishte kryer pasi kunata Alma Qevani e kishte sharë. Fillimisht mes të dyve ka pasur një debat verbal, teksa situata është tensionuar dhe me sëpatën që kishte në dorë qëlloi drejt 44-vjeçares.
![](https://shqiptarja.com/template/img/NO_ALFA_Kuadrate shqiptarja.png)
"Pas shqyrtimit gjyqësor, në datë 17.07.2024 nga Prokurori është kërkuar deklarimi fajtor dhe dënimi me burgim të përjetshëm. Gjykata e Shkallës së Parë të Juridiksionit të Përgjithshëm Elbasan me vendimin dt.17.07.2024 ka vendosur deklarimin fajtor dhe dënimin e të pandehurit Tefik Tashi me burgim të përjetshëm', njoftoi gjykata.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)