POP 5

Lajmet më të lexuara të 5 minutave të fundit

Ekonomi

Vrojtimi i Bankës së Shqipërisë: Turizmi mban në ‘këmbë’ besimin në ekonomi! Ngec sektori i ndërtimit, më pak porosi për apartamente

Besimi në ekonomi është rritur me vetëm 0.4% në muajin tetor, dhe kontributin kryesor e ka dhënë sektori i shërbimeve i ndikuar nga shtimi i turistëve dhe i aktivitetit të këtyre bizneseve. Sipas vrojtimit të Bankës së Shqipërisë besimi është ulur ndjeshëm në sektorin e ndërtimit dhe industri.

Tirane- Zgjatja e sezonit turistik po mban në këmbë besimin në ekonomi edhe gjatë vjeshtës. Banka e Shqipërisë thotë se besimi në ekonomi në tetor u rrit lehtë me 0.4%, i ndikuar kryesisht nga pozitivitet në sektorin e shërbimeve. Në një masë më të vogël ndikoi edhe rritja e besimit konsumator dhe e sektorit të tregtisë. “Nga ana tjetër, treguesit e besimit në sektorin e industrisë dhe në atë të ndërtimit shënuan rënie në krahasim me një muaj më parë”, thuhet në vrojtim

Besimi në sektorin e shërbimeve është rritur me 4% në muajin që lamë pas si rezultat i ecurisë pozitive të aktivitetit si dhe kërkesa në rritje për shërbime, duke sinjalizuar shtim të turistëve edhe në këtë periudhë. Sa i takon çmimeve ky sektor thotë se do të ulen.

Përmirësim të lehtë me 0.2% ka regjistruar edhe besimi i konsumatorëve, pasi janë më optimist për situatën ekonomike, thonë se do të bëjnë blerje në shuma të mëdha dhe presin reduktim të mëtejshëm të papunësisë. Kurse tregtia e cila është goditur edhe nga zhvlerësimi i valutave është vetëm 0.1% më optimiste e ndikuar kryesisht nga vlerësime më të mira për ecurinë e biznesit aktual.

Në anën e kundërt, besimi është tkurrur ndjeshëm tek sektori i ndërtimit. Ata janë 3.3% më pak optimistë si rezultat i ngadalësimit të aktivitetit të tyre dhe rënies së porosive. Në rënie në këtë sektor raportohen edhe çmimet.

Po për të njëjtat shkaqet është ulur me 2.5% besimi në ekonomi edhe nga industria, pasi vlerësojnë se është ulur prodhimi, ka më pak kontrata të reja e çmime më të lira. Situatë që sipas tyre do të vijojë edhe për muajit e ardhshëm.

S.G/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Meta në burg, Alibeaj për Report Tv: U arrestua ish-presidenti, e çfarë pastaj, të gjithë para ligjit të barabartë! Berisha kërkon të shesë qeverinë teknike si karamele, i paaftë të fitojë zgjedhjet

Meta në burg, Alibeaj për Report Tv: U arrestua ish-presidenti, e çfarë pastaj, të gjithë para ligjit të barabartë! Berisha kërkon të shesë qeverinë teknike si karamele, i paaftë të fitojë zgjedhjet

1 Nëntor, 17:58