‘Vuçiç po përgatit kërcënime me Rusinë’, Çejku: Reagimi i Kurtit foshnjarak! Sfida e Kosovës është të vazhdojë njohje

Arben Çejku, ish-ambasador, e ka cilësuar si foshnjarak reagimin e kryeministrit të Kosovës Albin Kurti, në lidhje me paralajmërimin në disa media se Serbia do të shpallte Kosovën territor të pushtuar. Në emisionin ‘5 Pyetjet nga Babaramo’, Çejku tha se nuk kishim të bënim me një ultimatum por me kërkesa konkrete të Serbisë. Diplomati nënvizoi se sfida e Kosovës është në vazhdojë njohjet.

‘Reagim foshnjarak. Unë nuk mund të përgjigjem për një pyetje që se kë bërë. Tani që ai ka bërë këto 7 kërkesa, e para nuk janë ultimatum janë kërkesa dhe janë një hap mbrapa. Të gjitha janë çështje që duhen zgjidhur. I duhen Kosovës dhe jo Serbisë. Normalizimi i marrëdhënieve me serbët në Kosovë i intereson shtetit të Kosovës në radhë të parë.

LEXO EDHE:
Tensionet Kosovë-Serbi/ Spahiu: Kurti-Vuçiç u tërhoqën nga 'ura Ibrit' dhe 'bojkoti' pasi u kërcënuan nga shefi CIA

Vuçiç duke rihapur fushën e lojës, i gjeti të papërgatitur. Izolimi është i dhimbshëm që flasim sot për një Kosovë që ka kushtëzime, kërcënime për largim nga Cefta dhe një paralajmërim për largim nga Procesi i Berlinit. S’ka njohje ndërkombëtare dhe është hequr fjala lobim për njohje. Kemi një përqendrim të gjithë diskursit se çfarë po e bën Kurti me Veriun. Sfida e Kosovës është të vazhdojë njohjet. Nuk duhet të ngrejë narrativën që Kurti do të mbrojë Kosovën nga SHBA.'- tha Çejku.

Lajmi kryesor:

Tensionet Kosovë-Serbi/ Spahiu: Kurti-Vuçiç u tërhoqën nga 'ura Ibrit' dhe 'bojkoti' pasi u kërcënuan nga shefi CIA

M.Q./Shqiptarja.com

TAG:
• serbi
• kosove
• Kreshnik Spahiu
• Albin Kurti