Vula e PD dhe protesta e Berishës ‘futen’ në parlament! Balla ironi: Ikni se do sillni njerëz! Manja: Revolucioni do të na lërë në pushtet deri në 2030

Vendimi i Apelit për fatin e Partisë Demokratike dhe protesta e thirrur nga Sali Berisha para kryeministrisë, që zhvillohen të dyja mesditën e 3 marsit, arritën të depërtonin në mesin e diskutimeve në seancën plenare.

Nga oborri i parlamentit, Berisha e quajti madhështore protestën e ditës së premte, ndërsa tha se nuk ka asnjë arsye për të ndikuar të gjykata për vulën e PD.

“Nesër protesta do jetë madhështore. S’kam asnjë lloj arsye që të ndërhyj në vendimin e gjykatës. Nuk mund të paragjykoj një vendim, i cili nuk ekziston asnjë bazë e vetme ligjore për të shpallur palë atë që nuk është palë”- tha Berisha.

Në sallën e braktisur nga revolucionari Berisha, diskutimet vijuan për çështjen e vulës. Ministrja Olta Xhaçka iu përgjigj deklaratave të një dite më parë të Ish kryeministrit se kjo ka informuar ambasadat për vendimin e gjykatës.

“Ç’punë ka ministri i jashtëm të merret me vulën e PD e di vetëm ai, skam asnjë punë të merrem me punën e PD, por di atë që thonë ambasadoret e huaj, bëjnë habi me zakonin e PD për tu marre me teori komploti”- tha Xhaçka.

Një parashikim, ministrat socialistë dhanë edhe për revolucionin e Berishës dhe Metës.

‘Revolucioni do na lërë në pushtet deri në 2030’- tha Manja.

Protesta e Berishës dhe Metës nesër nis në orën 12 para kryeministrisë ndërsa seanca në Apel që do të vendosë nëse vulën e PD e mban Enkelekjd Alibeaj apo i kalohet ish kryeministrit, do të nisë në orën 11:00.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

'Kemi forcën për të dyja frontet', Qatip Osmani: Reflektuam pas humbjes në Kukës, jemi gati për Erzenin

'Kemi forcën për të dyja frontet', Qatip Osmani: Reflektuam pas humbjes në Kukës, jemi gati për Erzenin