Walter Rolfo “magjeps”sot
Tiranën nga Bunk’Art1

E pamundura mund të bëhet e mundur, ashtu siç BunkArt 1 do të kthehet sot në Bunk’Magjik, falë magjistarit italian Walter Rolfo.

Numra magjie mes fantazisë dhe realitetit, art deri në kufinjtë e së pamundurës, janë shfaqet që e kanë bërë të njohur Rolfon në mbarë botën.

Në Shqipëri ai vjen për herë të parë, po çfarë ka rezervuar për publikun shqiptar?

“Do të shikoni diçka të jashtëzakonshme, që nuk e keni parë më parë, diçka krejtësisht origjinale. Do të jetë një spektakël krejtësisht ndryshe nga shfaqet e tjera. Sepse magjia shkrihet me tregimin, me historitë personale. Magjia përdoret si gjuhë për të treguar emocionin. Është një spektakël ku emocionet janë pjesa kryesore që shpresojë të arrijë tek zemrat. Spektakli synon të tregojë që e pamundura mund të bëhet e arrihet nga të gjithë dhe shpresoj t’jua ndryshojë jetën njerëzve”, deklaron Walter Rolfo.

Magjistari Rolfo, mbajtës i 4 rekordeve Guinness në fushën e magjisë, na tregon se në shfaqet e tij një rol të rëndësishëm ka komunikimi me publikun.

“Shfaqja e përfshin në një masë të madhe publikun sepse publiku është pjesëmarrës në të. Unë mendoj që një spektakël i mirë bëhet kur publiku përfshihet me zemër, mendje dhe emocion në të. Ju premtoj që do t’ju bëj pjesë të magjisë”, theksoi magjistari italian.

Eventi Bunk Magic do të mbahet në orën 19.00 në sallën e Kuvendit në BUNKArt1 afër Teleferikut, dhe do të jepet falas për publikun. Në fund magjistari Rolfo ka një ftesë për publikun shqiptar: “Do t’ju çoj në një botë ëndrrash, ju pres në BunkArt”.

Magjistari italian Walter Rolfo: E pamundura do ndodhë në Bunk'Art1
Për artistin e magjisë Walter Rolfo e pamunduara nuk ekziston. Këtë do të na e tregojë kur të startojë në BunkArt1 në Tiranë. 
 
Në bunk Magjik, Walter Rolfo do të vijë me artin e realizimit të pamundurës. Në faqen e tij në FB ai Walter Rolfo vet ka paralajëmëruar “Këtë të shtunë do të luaj në Tiranë. E pamundura do të ndodh në skenën e Bunk'Art !!.

Redaksia Online
Al.N/Shqiptarja.com

TAG:
• bunkart