Një foto e publikuar ditën e sotme nga deputetja kosovare Flora Brovina, ku shfaqet një grua e cila përdhunohet nga disa meshkuj të veshur me uniformë ushtarake tronditi ditën e sotme mbarë opinionin publik.

Por sipas gazetës Express, gruaja në foto nuk është nga Kosova dhe fotoja është marrë nga një ueb-sajt me përmbajtje pornografike.

Vetë Brovina i ka mohuar këto spekulime, duke i qëndruar deklaratës së saj se fotoja i përket një gruaje kosovare të dhunuar nga ushtarët serbë gjatë kohës së luftës në Kosovë.

Megjithatë ajo refuzon të tregojë se ku e ka marrë foton, burim të cilin shprehet se do ia rrëfejë vetëm Prokurorisë.