Avokat Spartak Ngjela deklaron se ministri i Brendshëm, Fatmir Xhafaj, nuk do japë dorëheqjen nga posti në qeveri pas akuzave të opozitës për të vëllanë. Përmes një statusi në Facebook, Ngjela shkruan se Xhafaj nga mbështetjen e amerikanëve në luftën kundër korrupsionit në Shqipëri. 

Sipas tij, Xhafaj nuk do prishë marrëveshjen me amerikanët të cilët kërkojnë rezultate konkrete për antikorrupsionin në nivelin e lartë. 

Po mirë: Pse, ministri Xhafaj do prishë marrëveshjen me politikën e lartë amerikanë kundër korrupsionit shqiptar, për "mustaqet e Çelos"?

Avokat Spartak Ngjela

 

Postimi i plotë i Ngjelës: 

Të korruptuar të lartë të Shqipërisë!

Po lodheni kot se është e pamundur që me një logjikë fëminore të mund të bindini politikën amerikane.

Sot i gjithë korrupsioni kryeministror shqiptar: edhe ky Rama edhe ai Berisha shihet se janë hedhur në sulm kundër ministrit 
të Brendshëm Xhafaj.

Po pse? Sepse atë e mbështet Uashingtoni në luftë kundër korrupsionit shqiptar aktual. 

Po mirë: nuk e kuptojnë këta fakirë të kapur në abuzim se këtë gjë e kuptojnë edhe amerikanët? 

Po mirë: Pse, ministri Xhafaj do prishë marrëveshjen me politikën e lartë amerikanë kundër korrupsionit shqiptar, për "mustaqet e Çelos"?

Asgjë... ai është ministri anti-korrupsion i aleatit të madh të Shqipërisë. Po nuk besoj se mund të bindet politika amerikane nga psherëtimat dëshpëruese të korrupsionit të lartë shqiptar, kur të gjithë këtë korrupsion, individualisht, ai e ka tashmë të skeduar në analet e tij në Uashington.

Kjo është një komedi... hajdutët në Tiranë po bërtasin me thirrmë çjerrëse : "kapni hajdutin". Kurse amerikanët kam përshtypjen se po qeshin. 

Po pse po qeshin? Do të vijë koha të shpjegohet edhe kjo....