POP 5

Lajmet më të lexuara të 5 minutave të fundit

Sport

Xherdan Shaqiri lë Liverpool e kalon tek Lyon në Francë! U pagua 9.5 mln sterlina

Xherdan Shaqiri largohet nga Liverpooli pas tre vitesh dhe transferohet në Francë tek Olimpik Lion. Futbollisti me origjinë shqiptare do të nënshkruajë për 4 vite me skuadrën e njohur franceze e cila pagoi 9.5 milion sterlina.

Xherdan Shaqiri pas tre vitesh lë Liverpoolin dhe kampionatin anglez për t’u transferuar tek Olimpik Lion në Francë. Drejtuesit e të dy klubeve kishin ditë që diskutonin për transferimin e futbollistit me origjinë shqiptare tek skuadra franceze dhe më në fund është gjetur dakordësia.

Shaqiri që në vitin 2018-të u ble nga Liverpool për 13.5 milion sterlina kalon tek Lyon për 9.5 milion sterlina. Mediat britanike bëjnë me dije se vet futbollisti i Zvicrës do të firmosë një kontratë 4-vjeçare me skuadrën e njohur franceze që e kërkoi me ngulm.

29-vjeçari i ka kërkuar largimin trajnerit Klopp duke parë aktivizimin e pakët tek të kuqtë me të cilët fitoi një Premier League dhe Championsin. Pas eksperiencave në Zvicër, Gjermani ,Itali e Angli tashmë Shaqiri do të provojë të luajë edhe në një tjetër kampionat elitar.  Tek Lyon janë të lumtur me afrimin e Shaqirit duke parë eksperiencën e tij të madhe dhe faktin se është pikërishit lojtari që u duhej./Përgatiti Andi Kapxhiu

B.K./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Scholz: Lufta në Ukrainë mund të zgjasë disa vite

Scholz: Lufta në Ukrainë mund të zgjasë disa vite

19 Prill, 22:19