Edhe pse Sali Berisha nuk ka hyrë ende në brendinë e fushatës për 6 bashkitë ku do të votohet më 6 mars, në zonat ku do të zhvillohet beteja, ka nisur puna prej kohësh. Madje po flitet edhe për emra konkretë.
Kështu përshembull, në një bashki shumë të rëndësishme, që është bastion i rëndësishëm i opozitës siç është Shkodra, këto ditë po qarkullojnë si emra të mundësh si kandidatë për kryetarë bashkie ajo e Xhemal Bushatit nga ana e PD-së zyrtare dhe e Bardh Spahisë nga fraksioni politik Meta-Berisha.
Përveç Bushatit, nga ana e PD-së zyrtare, pra të Bashës ka qarkulluar edhe emri i ish-deputetes Izmira Ulqinaku si edhe kryetarit aktual të Partisë Demokratike të Shkodrës, Xhevdet Amuli.
Megjithatë, duket se kuotat më të larta për të marrë OK edhe nga qendra i ka Bushati, i cili ka qenë edhe deputet por edhe kryetar i këshillit Bashkiak, gjatë mandatit 2015-2019 të Voltana Ademit. Vendimi i Lulzim Basha për të vendosur kreun e grupit parlamentar, Enkelejd Alibeaj si drejtues politik të Shkodrës, duket se është bërë më shumë për të rritur shkallën e përfaqësimit, e të ruajë nga sulmet kreun e deritashëm, deputetin e PD-së Helidon Bushati.
Gjithsesi, në këtë betejë ka një zhvillim që është mjaft interesant. Në rastin e Shkodrës, por edhe në Bashki të tjera, LSI-ja nuk pritet të paraqesë kandidatë që vijnë nga kjo forcë politike se përndryshe nuk do të ketë rezultate.
Në Shkodër, në nivel bashkie LSI është ndarë dobët në zgjedhjet e 25 prillit, ndryshe nga qarku ku ka marrë një numër më të madh votash. Megjithatë, është Ilir Meta, shikohet edhe sot në qëndrimet e forta politike që e mban iniciativën politike.
Kjo duket se ka dy arsye; Berisha nuk ka sesi të dalë direkt në mbështetje të njërit kandidat, pasi mjafton një qëndrim politik nga zyrtarët e SHBA se “kushto që mbështet Berishën nuk e përkrahim”, për të dhënë një goditje vdekjeprurëse elektorale. E në fakt, edhe pa folur zyrtarët e SHBA, mjafton të citohen deklaratat e bërë në disa intervista nga Ndihmës sekretari Gabriel Escobar, për ta rikujtuar këtë vijë të qartë politike.
Pra kemi kandidatura dhe grupim në bazë nga njerëzit e Berishës, por që politikisht përfaqësohen nga “shefi elektoral” Ilir Meta. Natyrisht një taktikë e përkohshme, pasi sipas gjasave pas 6 marsit do të ketë një strategji më të ndryshme. Këtij grupimi politik i duhet realisht një rezultat elektoral diku nga 6 bashkitë, për ta përdorur si “çengel” për ty kacavjerrur më lart në të ardhmen.
Më shumë se rezultat, i duhet një zhurmë elektorale, pasi çdo kandidat i partisë Meta-Berisha nuk ka asnjë gjasë që të arrijë fitore. Ajo që mund të arrijë si objektiv ky grupim është shkaktimi i humbjes së PD-së së Lulzim Bashës. E sidomos një humbje në Shkodër do të ishte dërrmuese. Këto zgjedhje të pjesshme do të kenë një mandate të shkurtër; vetëm një vjeçar, por për çdo kandidat që fiton si nga PS, ashtu edhe nga PD, është e qartë se po arriti një rezultat pozitiv të qartë më 6 mars, e ka krejt të thjeshtë pastaj rikandidimin në zgjedhjet e përgjithshme vendore të vitit 2023.
Aq të rëndësishme janë këto zgjedhje, sa “Komisioni i Rithemelimit” është tërhequr aq fort, po aq fort sa ka anuluar edhe vendimin e “Kuvendit të Air Albania” për të shkarkuar gjithë krerët e PD-së dhe të “referendumit të 18 dhjetorit” për të shkarkuar Lulzim Bashën nga posti i kryetarit të PD-së.
Njerëzit e Berishës, por edhe të partive të vogla që janë dukshëm aleatë të tij dhe të Ilir Metës, po flasin për “negociata”, “kandidatë të përbashkët” e gjëra si këto.
Po si mund të ketë kandidatët të përbashkët e negociata ndërmjet grupeve që kanë luftuar fizikisht me njëri-tjetrin, i kanë thënë të fundit e kanë përjashtuar e shkarkuar strukturat në mënyrë të dyanshme.
Bardh Spahia, nëse do të jetë kandidat i përbashkët i LSI-së e grupit Berisha do ta ketë shumë të vështirë lëvizjen politike për të “çarë politikisht”, megjithëse është fakt se mund t’i prishë mjaft punë kandidatit zyrtar të PD-së.
Nga ana tjetër, Shkodra ka edhe një specifikë tjetër që nuk e kanë bashkitë e tjera ku do të votohet më 6 mars. Anavtazhi i PD-së, sidomos në qytet ndaj Partisë Socialiste është i madh, referuar si rezultatit të zgjedhjeve vendore të 2015-s apo ato parlamentare të 25 prillit të vitit të shkuar. E kjo diferencë e bën betejën e Shkodrës me një avantazh më të madh krahasuar me bashkitë e tjera. Ndërkaq, Durrës, Dibër, por edhe në Vorë e Rrogozhinë, përplasja thjesht ndihmon PS-në, e cila përveç Dibrës në të gjitha bashkitë e tjera e nis me avantazh dhe ka shumë gjasa që beteja të mos jetë e vakët siç mund të pritet në Shkodër, ngaqë nga fitorja e bashkisë më 6 mars varet edhe rezultati i zgjedhjeve të vitit të ardhshëm, por edhe atyre parlamentare/ TemA
Lajme të tjera
-
Gjikondi: Ja taktika e çiftit Meta-Kryemadhi për të shpëtuar pronat e vendosura në mënyrë të paligjshme! Ja pse administrata Trump nuk do t’i heqë ‘non-gratën’ Berishës
24 Nëntor, 12:13 -
Kreshnik Spahiu: Pse Strasburgu po e zhgënjen shumë keq Partinë Demokratike?
23 Nëntor, 23:55
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
-
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
