POP 5

Lajmet më të lexuara të 5 minutave të fundit

Opinion

Ylli Pata: Pasojat e daljes në rrugë të Sali Berishës

Dalja e Sali Berishës sot në rrugë, me aradhën që e mbështet, është realisht thelbi i lëvizjes së tij të dështuar për të hyrë në sistemin politik shqiptar.

Ylli Pata: Pasojat e daljes në rrugë të Sali Berishës

Ish-kryeministri Sali Berisha

Dalja e Sali Berishës sot në rrugë, me aradhën që e mbështet, është realisht thelbi i lëvizjes së tij të dështuar për të hyrë në sistemin politik shqiptar.

Sali Berisha, e nisi lëvizjen e tij, kur Lulzim Basha e largoi nga grupi parlamentar i PD-së, si pasojë e shpalljes non grata nga SHBA.

E në atë kohë, si papritur, pasi kishte pëkrahur rizgjedhjen e Lulzim Bashës pasi humbi zgjedhjet e 25 prillit, pasi pranoi dhe u përqafua në Kuvendin e PD-së, papritur ju vërsul “djalit” të tij politik, duke ja kundërshtuar të gjitha lëvizjet.

Por jo vetëm kaq, mori përsipër t’i marrë partinë. E me Foltoren Berisha realisht tentoi të marrë PD-në, duke e fshehur lëvizjn e tij personale me statutin, apo edhe pakënaqësitë që mbështetësit e PD-së kishin ndaj Bashës, që arriti deri në superfoltoren e Air Albania, dhe referendumin tipik Berishjan të së shtunës.

Megjithatë, Sali Berisha, jo vetëm që nuk e mori PD-në, por arriti të provokojë një lëvizje të rëndësishme antiberishjane apo deberishiane në PD, çka tani po përjeton vetëm fillimin.

Pra në thelb Sali Berisha, jo vetëm që nuk e ka marrë Partinë Demokratike, por ka bërë që si pasojë e reaksionit të vet, të provokojë kundërreaksionin, i cili ka bërë që PD-ja të hapë një faqe të re, krejt të re, apo distancim nga berishizmi.

Çka në shoqërinë shqiptare po konsiderohet si lehtësim, aq lehtësim, sap o të shikosh në shikueshmëri, Basha ka pasur aq vëmendje sa nuk e ka përjetuar asnjëherë në historinë e tij si lider politik.

Megjithatë Sali Berisha ka shpallur lëvizjen e tij të rrugës që do të përfshijë mbështetësit e vet, nga selia e PD-së deri përpara kryeministrisë ku do të protestojë si për incneratorët ashtu edhe për Vuçiçin.

Një lëvizje që e çon opozitën në rrugë, por një rrugë që nuk se ka një ide, projekt apo program se çfarë do të arrijë.

Se në fund, ky aksion i Sali Berishës dhe grupit të tij mbështetës, do të çojë në një pikë, kur protestuesit që përfaqëson Sali Berisha, do të duhet të bëjnë publike kërkesat, e duhet ndoshta edhe të negocojnë për të bërë të mundur realizimin e tyre.

Por, siç dihet, askush nuk do ta marrë Sali Berishën si një negociator, apo përfaqësues politik. E shumta, si një grupim protestues, që në këto vite nuk kanë munguar; nga avokati Goxhaj, Kujtim Gjuzi, apo edhe Besian Pesha.

Ndoshta, protesta e Berishës, mund të jetë natyrisht më e fortë dhe më me fuqi sesa Goxhaj, Pesha apo edhe homologët e tyre, por sërish mbetet pjesë e një grupimi jashtë politik e shoqëror.

Pasi Sali Berisha nuk është as parti, as sindikatë, apo Organizatë Jo Fitimprurëse. Është një grup njerëzish që janë mbledhur si pasojë e një mërzie si pasojë e sanksioneve të SHBA ndaj Sali Berishës.

E pikërisht ky aksion i Sali Berishës sot në Tiranë, çfarëdo metamorfoze të ketë, nuk do të sjellë një realitet të ri, pasi nuk mundet, nuk do të mundet të ndikojë politikisht pasi nuk përfaqëson. E shumta, mund të dëmtojë njerëzit që e mbështesin, pasi Berisha tashmë, nuk ka ç’dëmtohet më shumë. Flasim politikisht…/TemA

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Spahiu: Komike, Erion Veliaj pyetet për 4 bileta në 2011, Berisha nuk pyetet as për 4 të vrarë në 2011 gjithashtu

Spahiu: Komike, Erion Veliaj pyetet për 4 bileta në 2011, Berisha nuk pyetet as për 4 të vrarë në 2011 gjithashtu

26 Dhjetor, 22:18