TIRANE - Menjëherë pas thirrjes që presidenti u bëri shqiptarëve për tubim antiqeveritar më 2 mars, ambasadorja e Shteteve të Bashkuara të Amerikës, Yuri Kim i shkoi në zyrë krerëve politikë më të lartë të vendit, Presidentit Ilir Meta, kryeministrit Edi Rama dhe liderit demokrat Lulzim Basha, për t'i çuar mesazhin e fortë se duhet të tregojnë pjekuri, t'u besojnë proceseve demokratike dhe të sillen në mënyrë të përgjegjshme për të mirën e popullit shqiptar.
"Unë u takova sot me kryeministrin Edi Rama, presidentin Ilir Meta dhe kryetarin e PD Lulzim Basha për të diskutuar zhvillimet e fundit dhe pritjet e SHBA. Diskutova edhe për hapat e rëndësishëm që Shqipëria duhet të ndërmarrë në javët e muajt e ardhshëm, duke treguar pjekuri, respekt për institucionet dhe besim në proceset demokratike. Presim që udhëheqësit shqiptarë të sillen në mënyrë të tillë që të jetë e përgjegjshme dhe për të mirën e popullit shqiptar", shprehet Yuri Kim në deklaratën e publikuar nga ambasada e SHBA.
SHBA do të rrisë shumën e dhuruar në Brukel për të ndihmuar Shqipërinë për t'u rimëkëmbur pas tërmetit të 26 nëntorit. Lajmi e ka dhënë kryeministri Edi Rama i cili ka reaguar pas takimit të sotëm me ambasadoren e SHBA Yuri Kim. Ai thotë se Akademia e Transparencës është një kërkesë e vetë qeverisë, ndërsa shton se nisja e punës së saj e bën rindërtimin një proces shembull.
"Falenderoj ambasadoren e SHBA për lajmin e mirë se SHBA do ta rrisin shumën e deklaruar në Bruksel për Rindërtimin. Nisja e punës së përbashkët për Akademinë e Transparencës realizon një kërkesë tonën ndaj miqve të çmuar për ta bërë Rindërtimin shembull edhe në këtë aspekt", shkruan Rama.
Postimi i kryeministrit Edi Rama
Vlera paraprake e dhuruar nga Shtetet e Bashkuara të Amerikës në konferencën e donatorëve ishte 4.7 milionë dollarë, plus edhe 800 mijë dollarë dhënë më herët, arrin në afro 5 milionë dollarë. Nga kjo shumë, 3.9 miliona dollarë janë grante për qeverinë, të cilat do të shërbejnë pikërisht për ngritjen e një "Akademie Transparence",shqiptaro-amerikane e cila do të monitorojë të gjithë procesin e rindërtimit. Por jo vetëm kaq, kjo akademi me standarde monitoruese amerikane, do të shërbejë edhe në vijim në Shqipëri, në procese të rëndësishme publike që duan 'syrin' e mirë vëzhgues, siç janë tenderët dhe prokurimet publike.
Zyrtarë të Bashkimit Evropian u shprehën të zhgënjyer pas përfundimit të konferencës, lidhur me shumën e dhuruar nga SHBA. Nga komunikimet që gazetarja e Report Tv Klesiana Omeri ka pasur në Bruksel me zyrtarë të Bashkimit Evropian, pritshmëritë e tyre kanë qenë më të larta për Shtetet e Bashkuara të Amerikës.
Dy ditë nga Konferenca e Donatorëve e mbajtur në Bruksel ku Shqipëria mblodhi 1.15 miliardë euro ndihma për rindërtimin pas tërmetit, ambasadorja e SHBA në Shqipëri Yuri Kim është takuar me kryeministrin e vendit Edi Rama, presidentin Ilir Meta dhe kreun e opozitës Lulzim Basha duke kërkuar transparencë dhe përgjegjshmëri në menaxhimin e fondeve.
"Unë u takova sot me kryeministrin Edi Rama, presidentin Ilir Meta dhe kryetarin e PD Lulzim Basha për të diskutuar zhvillimet e fundit dhe pritjet e SHBA. Me referencë specifike në konferencën e donatorëve në Bruksel, ne besojmë se pasqyron solidaritetin, mbështetjen dhe dëshirën e bashkësisë ndërkombëtare për të ndihmuar popullin shqiptar në përpjekjet e rindërtimit pas tërmetit. Ne diskutuam gjithashtu për pritjen tonë se do të ketë transparencë dhe përgjegjshmëri gjatë gjithë këtij procesi", shkruan Yuri Kim.
Komente
Lajme të tjera
-
Misioni diplomatik në Bruksel hap dyert për shqiptarët, Rama: Bëhu pjesë e 'Team Albania', kontribuo në anëtarësimin e vendit në BE
27 Nëntor, 16:25 -
Edison Ypi: Bar gastronomik
27 Nëntor, 15:45
-
Rama: Komisioni antikorrupsion do të jetë i përhershëm, pikë referimi për të gjitha institucionet! Do na garantojë suksesin për anëtarësimin në BE
27 Nëntor, 13:05 -
Sali Berisha lirohet nga 'arresti shtëpiak!' Reagon opozita! Bardhi: Fitore politike e tij! Meta nga burgu: Urime
27 Nëntor, 11:29 -
Suel Çela ndikoi tek Ilir Meta për të rikthyer Pajtime Fetahun në gjyqësor
26 Nëntor, 21:16
-
Siguria në shkolla/Rama njofton planin e masave: Kamera në shkolla dhe kontroll dixhital për çdo mjet metalik në çanta! Konsultime për mbylljen e TikTok dhe SnapChat
26 Nëntor, 13:58 -
Bulqizë/ Rama prezanton projektin transformues të zonës ushtarake: Dibra do kthehet në periferinë e gjelbër të kryeqytetit! Rruga e Arbrit drejt përfundimit, Tuneli i Murrizit pati marrje mësysh
26 Nëntor, 11:14 -
Bazuar në romanin e Ismail Kadaresë, 'Kthimi i Ushtrisë së Vdekur' një tjetër film që i nënshtrohet restaurimit 4K
26 Nëntor, 09:10 -
Politikanët shqiptarë që provuan burgun, arrestimin dhe prangat vitet e fundit! Esencë-Report Tv
25 Nëntor, 20:13
-
Operacioni i SPAK në Elbasan, Ngjela në Report Tv: SPAK në veprim, kriminaliteti i rritur te moshat e vogla! Berisha me regjim burgu, s’ka njerëz për të bërë revolucion
25 Nëntor, 19:01 -
Meta në burg, ‘mobilizon’ partinë më 6 dhjetor në protestë para SPAK! Letër PL: Të ngrihemi kundër narkodrejtësisë
25 Nëntor, 18:56 -
Ylli Pata: Ajo që nuk u pa nga takimi i Edi Ramës në Londër!
25 Nëntor, 18:28
Shkoni pak te shpija Paje &Surrel se ka derdhur djerse te madhi ai me brekushe nuk ka as makine dhe ia ka marre vellait per ta perdorur sa gjynah i shkreti
PërgjigjuIk Ilir nga kjo shemtire coronaviruse se e ka porositur Edushi te beje presion por kot e kane 2 Marsi do ua tregoje vendin bandave qe moren Shqiperine peng dhe mijera motra dhe vellezer moren rrugat e botes per te ikur nga hajduten e pashpirt
PërgjigjuKu pyt Ilir floriri cfar thu ti moj zonje ai eshte pjelle e shokut Enver e Sali Berisha komunist den baba den.
Përgjigju