BRUKSEL- Evropa mbeti e zhgënjyer nga Shtetet e Bashkuara të Amerikës për ndihmën e dhënë ndaj Shqipërisë në Konferencën e Donatorëve dje në Bruksel, ndërkohë që një surprizë të këndshme dhuroi Italia me 65 milionë euro për rindërtimin e vendit tonë pas tërmetit tragjik të 26 nëntorit. Zyrtarë të Bashkimit Evropian, po ashtu, kanë parë me zhgënjim edhe ndihmën e dhënë nga Spanja, vetëm prej 25 mijë eurosh, një vend i cilësuar i rëndësishëm sipas tyre.
Nga komunikimet që gazetarja e Report Tv Klesiana Omeri ka pasur në Bruksel me zyrtarë të Bashkimit Evropian, pritshmëritë e tyre kanë qenë më të larta për Shtetet e Bashkuara të Amerikës.
SHBA-të dhanë 4.7 milionë dollarë, ndër të cilat 3.9 milionë dollarë grante për qeverinë, pra dhuratë, 60 mijë $ për Kryqin e Kuq dhe 800 mijë $ për monumentet kulturore. Ndërkohë që më herët SHBA-të kanë dhënë 800 mijë $, vlerë e cila e çon në afro 5 milionë dollarë ndihmën e dhënë nga aleati më i madh për Shqipërinë. Edhe për kryeministrin Edi Rama siç ai u shpreh dje nga Brukseli, ndihma e SHBA-ve ishte modeste, megjithatë ai tha se amerikanëve u vlejnë standardet, kur bëri të ditur se me një pjesë të granteve do të ngrihet Akadamia e Transparencës, për monitorimin e gjithë procesit të rindërtimit, por edhe të proceseve të rëndësishme publike që duan 'syrin' e mirë vëzhgues, siç janë tenderët dhe prokurimet publike.
Sa i përket mini-shengenit, zyrtarët e BE-së e kanë mbështetur këtë nismë, por i qëndrojnë se në këtë nismë duhet të jenë të gjitha vendet e Ballkanit Perëndimor. "Nuk ka kuptim mini shengen vetëm me disa shtete të Ballkanit", janë shprehur ata.
Dje sytë e shqiptarëve ishin nga Konferenca e Donatorëve “Sё bashku pёr Shqipёrinё” , ku nga pjesëmarrja e rreth 100 shteteve (kurrë më parë kaq krerë shtetesh, ministra e përfaqësues të BE-së), u premtuan 1.15 miliardë euro ndihma në përpjekjen e Shqipërisë për t'u ringritur pas tërmetit që la pas 51 viktima, qindra të plagosur, mijëra të pastrehë e ndërtesa të rrënuara e dëmtuara. 17 shkurti mund të quhet dita e solidaritet të Evropës me Shqipërinë, pasi kurrë më parë nuk ishin mbledhur kaq shumë fonde për shtete të tjera të prekura nga fatkeqësi natyrore.
Një proces i gjatë është përpara, dhe që ka të bëjë me të gjitha procedurat për të çuar këto ndihma në vendin e duhur, për të përgatitur projektet e për t'i hapur rrugë zbatimit të tyre. I gjithë ky rrugëtim, siç tha dje presidentja e KE-së Ursula von der Leyen do të monitorohet nga ekspertë të KE-së, ndërsa komisioneri i Zgjerimit, Oliver Varhelyi nuk i la shteg korrupsionit! “Korrupsion nuk do tё ketё dhe nuk do tё lejojmё tё ketё. Ne do tё jemi tё pёrfshirё nё implementim.”
Komente
Lajme të tjera
-
25 vjet Putin, nga miku në armik
25 Dhjetor, 12:41 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Ministri i Jashtëm i Jordanisë do të zhvillojë bisedime me liderin e ri të Sirisë
23 Dhjetor, 11:52 -
Greqia dhe Italia, ku ka më shumë shqiptarë, kanë emigrantët më të mbikualifikuar në Europë
23 Dhjetor, 09:34 -
Mandarinat me pesticide, Ministria e Bujqësisë: Kemi bërë kallëzim penal për grumbulluesit! Gjobë e bllokim aktiviteti për shkelësit
23 Dhjetor, 08:46 -
Mali i Zi, opozita bojkoton Parlamentin për shkak të Gjykatës Kushtetuese
21 Dhjetor, 22:33 -
Ilir Yzeiri: Teksti i Edi Ramës dhe fshati i madh shqiptar
21 Dhjetor, 19:45
-
BE-ja shpreson për progres në integrimin e serbëve pas zgjedhjeve në Kosovë
21 Dhjetor, 16:47 -
BE 30 miliardë € për Ukrainën vitin tjetër! Costa: Koha për ta forcuar
20 Dhjetor, 08:47 -
Presidenti italian: Rreziku i ndërhyrjeve të jashtme në Ballkan është tepër i lartë
20 Dhjetor, 07:36 -
Metsola: Ndërhyrja ruse në Ballkanin Perëndimor, ndër shqetësimet tona më të ngutshme të sigurisë
19 Dhjetor, 16:56 -
Ministri i Jashtëm Hasani pret homologun nga Polonia: Zgjerimi i BE, prioritet edhe i presidencës polake
19 Dhjetor, 16:07
God bless USA. Po te prisnim Europen Serbia do vinte deri ne Tirane.Usa i shkaterroi brenda nates. Pak donacion por te pakten nuk i kerkon mbrapa apo me kredi.Pastaj se kemi Edin budalla dhe kritikoi Trumpin para zgjedhjeve po e merr pergjigjen.Fluturoi me spec djeges ne b.thë.Sa te jete Trump President as tek dera e White house nuk e lene te afrohet.
PërgjigjuTi Toto në gjumë je apo tallesh ?
PërgjigjuQ’ka pret Shqiptari nga Spanja diktatoriale...
PërgjigjuSpanja diktature? obobo sa rend qeka ky mallisti mavi
Toto do behemi nje dite shtet por akoma eshte heret sepse kane kaluar vetem 2000 vjet
Pse cfaj ka spanja se nuk kemi shtet ne