Zbardhet skema e kalimit të 45 kg heroinë në Portin e Durrësit, si shoferi ‘ia hidhte’ skanerit duke ndërruar kokën e kamionit! Në burg drejtuesi dhe pronari

Report Tv ka zbardhur skemën e 45.5 kg heroinë që u kap në Portin e Durrësit pak ditë më parë në një kamion me krom, që kishte si destinacion Barin e Italisë. Kamioni kur futej në skanerin e Portit të Durrësit ishte i pastër dhe më pas shoferi i kamionit Olgert Doda bënte sikur i prishje mjeti. Më pas koka e kamionit zëvendësohej me një tjetër të re, ku ishte e fshehur droga dhe s'kalonte në skaner nga punonjësit.

Heroina e kapur pak ditë më parë vinte nga Maqedonia e Veriut, kalonte tranzit në Shqipëri dhe kishte si destinacion Italinë. Ditën e sotme Gjykata e Durrësit vendosi ‘arrest me burg’ për pronarin e kamionit 'Hensi Trans', Arian Çermën, 45 vjeç, banues në Durrës dhe drejtuesin e kamionit Olgert Dudën, 36 vjeç, banues në Fier.

Më 26 tetor në Portin e Durrësit u kapën 45.5 kilogramë heroinë është sekuestrua në orët e vona të mbrëmjes së djeshme në Portin e Durrësit. Sasia e drogës u kap në një kamion të ngarkuar me krom, me destinacion Portin e Barit në Itali.

Pronari i automjetit, Arian Çerma, ishte ai që kishte lidhje me grupin e trafikut të heroinës në Itali që ka në pronësi firmën ‘Hensi Trans’, e themeluar në 2017 me seli në Durrës. Kamioni i tipit "Sacania" u kontrollua imtësisht në dalje, në vijën e dytë, pas informacioneve të grumbulluara nga policia, ndërsa sasia e heroinës, e ndarë në 43 pako të mbështjella me natriban, u gjet e fshehur në kabinën e kamionit.

Lënda narkotike ishte e ndarë për tre marrës të ndryshëm, ku pakot ishin bërë me shenjë, ku 15 pako kishin mbishkrimin 'banane', 7 pako me kryq të bardhë dhe 21 pako me shirit të zi.

Kjo nuk ishte hera e parë që është kapur drogë në Portin e Durrësit, që duket se përdoret nga trafikantët si rrugë për të transportuar sasi të mëdha droge. Kujtojmë se jo më larg se pak javë më parë, po në Portin e Durrësit, për të pestën herë u kap kokainë në kontejnerët me banane të ‘Alba Exotic Fruit’ njëkohësisht transportonte edhe kokainë.

Heroina e kapur

Kamioni ku u kap heroina

 

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Velabishti: 30/10/2021 07:27

    Po mire ata punonjes te doganes qe nuk rikontrollonin koken e trailerit qe zevendesojej ata skane pergjegjesi???? Hajde shtet hajde

    Përgjigju
  • Scutari: 29/10/2021 12:02

    Ka qe ne 1994 qe njerezit mbajne radhe ne Fier per t`u bere transportues heroine dhe asnjehere nuk eshte arrestuar kupola.....

    Përgjigju
    • Tori: 30/10/2021 15:04

      pusho o pall.kur sdi gjo mos ha mut kot...shoferi ka vetem dy jave me kete pisin...ka 7 vjet qe can rruget e italise me nje firme tjeter..dhe esht akoma me peugeot 206 gpl...e perdoren mish per top...mos ha kot kur sdi gjo dhe kur nuk i njef njerezit

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Leonard Olli: Sistemi shëndetësor ka dështuar me sukses absolut këto 30 vite! Shëndetësia falas ka qenë 'përrallë me mbret'

Leonard Olli: Sistemi shëndetësor ka dështuar me sukses absolut këto 30 vite! Shëndetësia falas ka qenë 'përrallë me mbret'