POP 5

Lajmet më të lexuara të 5 minutave të fundit

Sociale

Zbardhet urdhri i Nikollës: Nga shtatori ndalohen celularët në shkolla, penalizim mësuesve dhe nxënësve që e shkelin

MAS ka shpërndarë një urdhër për të gjitha shkollat e vendit, për ndalimin e telefonave nga shtatori kur edhe nis viti i ri arsimor. Sipas urdhrit, nxënësit do i dorëzojnë celularët në nisje të mësimit dhe do i marrin në fund. U ndalohet dhe mësuesve

Viti i ri shkollor vjen me një risi për nxënësit dhe mësuesit e arsimit parauniversitar, nga cikli fillor e deri tek ai i mesëm. Telefonat celular nuk do lejohen të përdoren gjatë procesit mësimor. Ky është urdhri i firmosur nga ministrja e Arsimit dhe Sporteve, Lindita Nikolla, të cilin e ka siguruar “Shqiptarja.com”. Nisma parashikon fokusimin e nxënësve por edhe të mësuesve në funksion të procesit mësimor, ndërsa vlen të theksohet se është hera e parë në vendin tonë që tentohet zbatimi i një mase të tillë të fortë.

Në urdhrin i cili mban datën datën 30 korrik 2018, thuhet se: “Ndalohet përdorimi i telefonit celular gjatë procesit mësimor si nga mësuesit dhe nxënësit në të gjitha shkollat e arsimit parauniversitar”. “Njësitë arsimore vendore dhe drejtoritë e shkollave janë përgjegjës për zbatimin e këtij urdhri dhe për marrjen e masave sipas akteve normative në fuqi në rast të shkeljes së tij”. 


(Urdhri i ministres së Arsimit për ndalimin e celularëve në shkolla)

Ministria e Arsimit është kujdesur të parashikojë edhe rastet e shkeljes së urdhrit për të cilin do ketë masa penalizuese si për nxënësit ashtu edhe mësuesit. Burime nga Ministria e Arsimit thanë për “Shqiptarja.com” se shkelësit e këtij urdhri rrezikojnë deri në përjashtim nga shkolla për rastin e nxënësve si dhe pezullim e shkarkim nga puna mësuesve.  

Parashikohet që në fillim të mësimit, nxënësit të dorëzojnë telefonat celularë në dollapët e klasave respektive dhe do t’i marrin ato vetëm në përfundim të procesit mësimor. Mbetet për t’u parë si do ta presin nxënësit dhe mësuesit urdhrin e ri dhe ndër më të fortët të Ministrisë së Arsimit.

Më herët, një praktikë e tillë u zbatua në Francë dhe pritet që nga shtatori i këtij viti, të implementohet edhe në vendin tonë, çka do të përbënte një risi për sistemin tonë arsimor parauniversitar.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Rasim: 01/09/2018 16:42

    Ooo asnjeri nuk do e zbatoj ket ligj do ikin te gjith nga shkolla dhe pa telefon nuk do rrijne

    Përgjigju
  • Coli: 04/08/2018 01:42

    Ishalla kan per ta mbajt premtimin , se para nje viti isha ne shqipri dhe erdhi djali I vllajt duke qare se thoshte me ka than msusja se duhet me te ble prindit telefon per me ba detyrat.

    Përgjigju
  • Fr: 04/08/2018 01:01

    Shume mir bravo te mesohemi pak pa lefon se jemi ber fare 24 ore me tel

    Përgjigju
  • vlore: 03/08/2018 22:53

    o zot cfar mekati kan ber shqiptaret qe ben nikollen ministri nje cop injorante ..

    Përgjigju
    • qaf thona: 04/08/2018 07:20

      injorant je ti qe ke vizion te shkurtur si shqupi

    • Aqif Kopertoni: 03/08/2018 23:59

      Ishhte me mire Nard Ndoka minister apo jo shqupi

  • Kafsha: 03/08/2018 21:33

    Më në fund...

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

25 Dhjetor, 15:03