TIRANË- Në rast të fatkeqësive natyrore, siç ishte tërmeti i 26 nëntori apo zjarret e shumta që pushtuan vendin gjatë sezonit veror, tani më çdo kush mund të japë kontributin e tij, por edhe do të paguhet.
Qeveria shqiptare ka vendosur që vullnetarët të angazhohen në operacionet për fatkeqësitë natyrore që do të godasin vendin, do t'u paguajnë fjetjen, transportin, ushqimin, trajnimet, deri edhe sigurim e jetës. Vendimi i cili shtë publikuar në fletoren zyrtare dhe mban datën 11 nëntor, përcaktohet qartë se si një vullnetar do t'i paguhet 2500 lekë dita për ushqimin si edhe fjetja jo më shumë se 3000 mijë lekë nata.
Nga ana tjetër, atyre do u paguhet edhe sigurimi i jetës, ku shuma e përcaktuar në kontratën e sigurimit për çdo punonjës të siguruar nuk mund të jetë më e ulët se 500 000 lekë.
Një vendim i tillë, siç e ka bërë më herët të ditur ministri i Brendshëm, Niko Peleshi ka si funksion kryesor nxitjen e vullnetarizmit.
"Nxitje vullnetarizmit. Ne jemi krenarë për dhjetëra dhe qindra vullnetarë në përpjekjet tona, jo vetëm në sigurinë kombëtare por edhe në përballjen me emergjencat civile. Në këtë vendim në i japim mundësi vullnetarëve që të ketë më shumë vëmendje ndaj tyre. Do të trajtohen me transport, ushqim, akomodim dhe pagesë dinjitoze", ka thënë më herët ministri Peleshi.
Këto para do të merren nga fondi i miratuar i buxhetit të shtetit për mbrojtjen civile, e ndërsa do të jetë Agjencia Kombëtare e Mbrojtjes Civile dhe institucionet apo strukturat qendrore dhe vendore të mbrojtjes civile që do t'i ngarkohet kjo detyrë.
Vendimi i qeverisë botuar në fletorën zyrtare
Trajtimin e vullnetarëve, për angazhimin e tyre në aktivitete të mbrojtjes civile apo në operacionet e parandalimit e të përballimit të fatkeqësive, për: a) transportin:
i. në rast se vullnetari do të angazhohet në aktivitete të mbrojtjes civile apo në operacionet e parandalimit e të përballimit të fatkeqësive jashtë territorit të vendbanimit të tij të zakonshëm;
ii. kur transporti nuk realizohet nga vetë institucionet apo strukturat qendrore dhe vendore të mbrojtjes civile, pranë të cilave ofrohen vullnetarët, shpenzimet e transportit do të njihen kundrejt dokumentit tatimor përkatës, por jo më shumë se tarifa përkatëse, sipas distancës kilometrike të linjës, të miratuar në vendimin përkatës të Këshillit të Ministrave për tarifat e transportit të udhëtarëve;
b) trajnimin, në rastet kur kryhet nga Agjencia Kombëtare e Mbrojtjes Civile;
c) ushqimin, sipas mënyrës së paracaktuar nga institucionet apo strukturat qendrore dhe vendore të mbrojtjes civile, pranë të cilave ofrohen vullnetarët, në varësi të situatës së krijuar, por jo më shumë se vlera prej 2 500 (dy mijë e pesëqind) lekësh në ditë;
ç) mjetet e nevojshme për kryerjen e vullnetarizmit, të cilat do t’i jepen vullnetarit në përdorim nga institucionet apo strukturat qendrore dhe vendore të mbrojtjes civile, pranë të cilave ato ofrohen;
d) akomodimin, i cili, në varësi të aktiviteteve të mbrojtjes civile apo operacioneve të parandalimit e të përballimit të fatkeqësive, do të kryhet:
i. në formën e kompensimit, kundrejt dokumentit tatimor përkatës, të paraqitur nga hoteli dhe të shoqëruar me faturën e printuar nga kasa elektronike fiskale, por jo më shumë se 3 000 (tre mijë) lekë për çdo natë;
ii. në tenda/çadra apo struktura të tjera të përshtatura për akomodim.
2. Sigurimi i jetës dhe i shëndetit, për vullnetarët që angazhohen në aktivitete të mbrojtjes civile apo në operacionet e parandalimit e të përballimit të fatkeqësive, bëhet sipas kontratës së lidhur me shoqërinë e sigurimit, të përzgjedhur sipas rregullave të përcaktuara në legjislacionin në fuqi për prokurimin publik nga institucioni apo struktura qendrore dhe vendore e mbrojtjes civile, përgjegjëse për parandalimin e përballimin e fatkeqësisë, sipas natyrës së saj. Ky sigurim mbulon shpenzimet për trajtimin e dëmtimeve që vijnë si rezultat i angazhimit në aktivitete të mbrojtjes civile apo në operacionet e parandalimit e të përballimit të fatkeqësive, si më poshtë
vijon:
a) vdekje si rezultat i dëmtimeve;
b) paaftësi e përhershme ose aftësi e kufizuar, ose një lloj i caktuar dëmtimi si rezultat i një aksidenti gjatë kohëzgjatjes së vullnetarizmit;
|c) paaftësi e përkohshme, si rezultat i një aksidenti gjatë kohëzgjatjes së vullnetarizmit dhe për shkak të tij;
ç) paaftësi e përkohshme, si rezultat i një sëmundjeje të pësuar gjatë kohëzgjatjes së vullnetarizmit dhe për shkak të saj;
d) shërbime spitalore dhe/ose mjekësore në spitalet publike ose private brenda shtetit, kur mbulimet shëndetësore nuk ofrohen në spitalet publike të vendit.
3. Shuma e përcaktuar në kontratën e sigurimit për çdo punonjës të siguruar nuk mund të jetë më e ulët se 500 000 (pesëqind mijë) lekë.
4. Tarifa e primit të sigurimit përcaktohet në kontratën e sigurimit, por nuk mund të jetë më e ulët se 0.5 (zero pikë pesë) %.
5. Efektet financiare, që rrjedhin nga zbatimi i këtij vendimi, të përballohen nga fondi i miratuar i buxhetit të shtetit për mbrojtjen civile.
6. Ngarkohen Agjencia Kombëtare e Mbrojtjes Civile dhe institucionet apo strukturat qendrore dhe vendore të mbrojtjes civile, pranë të cilave ofrohen vullnetarët, për zbatimin e këtij vendimi.
Ky vendim hyn në fuqi pas botimit në Fletoren Zyrtare.
Vendimi ne Fletoren Zyrtare
Komente
Lajme të tjera
-
Punonjësit e Policisë së Burgjeve me armë edhe jashtë orarit të shërbimit! Leje për ta mbajtur dhe në shtëpi
11 Tetor, 07:30 -
Çako te Komisioni i Sigurisë: Për këtë vit 1077 vatra zjarri dhe 43466 ha të dëmtuara! 98% nga dora njerëzore, qeveria do kalojë 1,5 mld lekë për kompensime dëmesh
17 Shtator, 14:08 -
Bilanci i zjarreve: Që nga muaji janar janë djegur 29143 ha me pyje dhe javën e fundit 2390 ha
16 Gusht, 13:03 -
Situata e zjarreve ende kritike, 29 vatra të rëna gjatë 24 orëve të fundit! 14 ende aktive, problematike ato në Tomor, Prespë dhe bjeshkët e Dibrës
16 Gusht, 11:56 -
‘Luftën’ me flakët s’e ndalin milionat që shpenzohen çdo vit nga Bashkitë e Emergjencat për t’u mbrojtur! 15 mln € në dispozicion vetëm për pushtetin vendor
12 Gusht, 20:52
-
Drafti i ri/ Rezerva materiale shtetërore do të aktivizohet edhe në kriza inflacioni, dhe jo vetëm në kohë luftë apo emergjence civile
19 Qershor, 12:45
-
Zjarret në sezonin e verës/ Kreu i Emergjencave Civile Çako mbledh strukturat e Qarkut Korçë
15 Maj, 20:13 -
Ndotja nga shtëllungat e tymit pas zjarrit, 'Kurum' shmang institucionet e Elbasanit! Dështon mbledhja e komisionit të Emergjencave Civile
9 Nëntor 2023, 13:23 -
Buxheti 2024/ 5.3 mld lekë ndahen për emergjencat civile! 800 mln u shkojnë bashkive për fatkeqësitë natyrore, 500 mln për mbrojtjen e digave
4 Nëntor 2023, 19:21
-
VIDEO+ FOTO/ Uragani Idalia ‘pushton’ Floridën, mijëra banorë të evakuuar! Biden: Ja si ndikon kriza klimatike, të shtohen masat
30 Gusht 2023, 22:26 -
Stuhia tropikale ‘Hilary’ alarmon Kaliforninë e Meksikën! Qendra e uraganeve: Do të shkaktojë përmbytje të rrezikshme
21 Gusht 2023, 07:47 -
Zjarret, Peleshi kritikon kryetarët e bashkive: Ka dështuar rrjeti i monitorimit! Keni emëruar drejtorë të Emergjencave Civile njerëz që s'ua dinë as emrin
24 Korrik 2023, 14:02
Ju spo paguani ata qe jan ne krye te detyres do paguani vullnetaret. Ne rast fatkeqsish natyrore shteti minimalja duhet te ket uniforma per zjarrfiksit dhe makina. Ata vullnetar qe ju do angazhoni pa mjete pa pajisje ka me shume rrezik per humbje jete.
Përgjigju