SIRI- Militantët e ISIS janë duke përdorur në masë armë të prodhuara në SHBA falë konfiskimit të këtyre armatimeve më të hershme që u kanë bërë trupave qeveritare irakene dhe rebelëve sirian. Këto armatime të cilësisë së lartë konsiderohen nga ekspertët si faktor dominiues në suksesin e shpejtë të xhihadistëve të Kalifatit Islamik.
                    
Ky fakt është konfirmuar nga studimi më i fundit i CAR, një grup kërkimor mbi armatimet me bazë në Londër, pasi ka kryer investigimet e duhura “në terren” në Irak dhe Siri. Fakti se militantët e Isis po përdorin armatime amerikane dihej prej kohësh, por studimi i CAR është i pari në llojin e tij jo vetëm pse është një organizatë jo qeveritare por edhe përse jep të dhëna tepër të detajuara dhe mbi tipologjinë e dhe origjinën e këtyre armatimeve. Keto të fundit të marra drejt për drejt nga terreni.
 
Sipas këtij studimi, ndër armët e krahut që po përdorin militantët e ISIS në konflikt përfshihen automatikë amerikan si M16A4 dhe pushkë gjysmë-automatike si XM15-E2S. Gjithashtu CAR përmend faktin se xhihadistët e Kalifatit Islamik kanë një rrjet transporti të armëve tepër të organizuar dhe efektiv qe dallon mbi të gjitha për transportimin me shpejtësi të madhe në distanca tepër të mëdha.
 
ARME 2


























Armë të tjera amerikane në dispozicion të xhihadistëve, sipas raportit të CAR, janë dhe raketat anti-tank M79 që u janë dhënë më parë Ushtrisë së Lirë Siriane nga ana e Arabisë Saudite. Gjithashtu në arsenal përfshihen dhe mitralozë “made in Cina” M80 dhe sniper kroat të tipit Elmech.
 
Ky studim gjithashtu vërteton se këto armë u janë marrë me forcë, nga ana e ISIS, ushtrive “të forcave demokratike” që më herët në lindjen e mesme janë ndihmuar nga vendet perëndimore. Ndërkohë nga ky studim lind dyshimi i efektivitetit dhe sigurisë që mund të kenë armatimet aktuale që po dërgohen në rajon nga vende si Britania, Gjermania apo Shqipëria. Dhe a janë të afta forcat qeveritare irakene apo ato kurde të kenë nën kontroll të gjithë trafikun e këtyre armëve dhe në rast të konflikteve të tjera në të ardhmen.


ARME 3






























Redaksia Online
(e.n/Shqiptarja.com)