POP 5

Lajmet më të lexuara të 5 minutave të fundit

Arkiva

Zbulohet flamuri
i selisë së Qeverisë së Vlorës

Më datë 26 janar, me rastin e 93 vjetorit të vdekjes së Ismail Qemalit, në hollin hyrës të Qendrës së Studimeve Albanologjike, u ekspozuan flamujt e përdorur në varrimin dhe rivarrimin e tij si dhe ai i përdorur në selinë e Qeverisë së Vlorës në vitin 1913. Flamuri i parë është ai që ka shoqëruar në banesën e fundit plakun e Vlorës në vitin 1919 dhe në rivarrimin e trupit të tij më 1932. Ky flamur, që iu dhurua Ismail Qemalit nga princi i Francës, Duka Montpensier.
Më datë 26 janar, me rastin e 93 vjetorit të vdekjes së Ismail Qemalit, në hollin hyrës të Qendrës së Studimeve Albanologjike, u ekspozuan flamujt e përdorur në varrimin dhe rivarrimin e tij si dhe ai i përdorur në selinë e Qeverisë së Vlorës në vitin 1913. Flamuri i parë është ai që ka shoqëruar në banesën e fundit plakun e Vlorës në vitin 1919 dhe në rivarrimin e trupit të tij më 1932. Ky flamur, që iu dhurua Ismail Qemalit nga princi i Francës, Duka Montpensier, u bë i njohur në media në fillim të këtij muaji, kur u zbulua në fondin etnografik të Qendrës Albanologjike nga përgjegjësja, Ariola Prifti.
Ky flamur, me përmasa 150 X 94 cm, ka qenë ruajtur në familjen Vlora që prej vitit 1919 dhe është përdorur përsëri në vitin 1932, kohë kur iu dhurua Ministrisë së Arsimit e më pas Muzeut Historik. Identifikimi i këtij flamuri u bë në dhjetor 2011 dhe u certifikua nga konsulta e specialistëve, e thirrur pranë QSA-së më 6 janar 2012.
Sipas studiueses Ariola Priftit dhe restauruesit Frederik Stamati, kanë mundur të zbulojnë në të njëjtin fond edhe flamurin kombëtar të përdorur gjatë përvjetorit të parë të Pavarësisë në Vlorë. Më i dëmtuar se flamuri tjetër, me përmasa 170 X 95 cm, është përdorur në selinë e qeverisë së Vlorës gjatë vitit 1913. Flamuri është realizuar në pëlhurë të leshtë, ku është qëndisur shqiponja nga të dyja anët. Copa konturohet nga një shirit me thekë bronzi. Flamuri është valëvitur në dy mënyra, duke u ngritur në shtizë me litar si dhe duke u futur në shkop nga të dyja anët. Vihet re se njëra anë e tij është më e dëmtuar se tjetra. Sipas specialistëve, kjo është arsyeja pse shqiponja nuk është e vendosur në mes. Ky flamur u identifikua vitin e kaluar nga Prof. As. Dr. Frederik Stamati dhe u certifikua konsultën e mbledhur me specialistë më 6 janar të këtij viti. Në përcaktimin shkencor të tij shërbeu edhe laboratori i kriminalistikës.
Një sërë dokumentesh interesante, si fotografi dhe akte zyrtare, që studiuesja Prifti i ka konsultuar pranë fondeve të Arkivit Qendror të Shtetit, i publikoi sot në aktivitet.
Gjatë ceremonisë, në fjalën e tij Prof. Dr. Ardian Marashi, drejtor i QSA, i cili vlerësoi këto relike historike, të cilat shfaqen për herë të parë në vitin jubilar të 100 vjetorit të Pavarësisë kombëtare.

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Komandohet drejtuesja, për herë të parë PD e Shkodrës do drejtohet nga një grua

Komandohet drejtuesja, për herë të parë PD e Shkodrës do drejtohet nga një grua

15 Janar, 19:55