Zbulohet fosili i dinozaurit ‘tank’ në Argjentinë, jetoi 100 mln vjet më parë

Dinozauri Jakapil kaniukura, një krijesë e cila ka jetuar rreth 100 milionë vjet më parë, është zbuluar nga Paleontologët Argjentinas. Lloji ri i donosaurit të vogël të blinduar, i panjohur më parë në Jug të Argjentinës, lëvizte  vetëm me këmbët e saj të pasme dhe trupin drejt.

Dinozauri Jakapil, i përket periudhës Kretake dhe trupi i tij  ka qenë i mbrojtur mirë me disa rreshta armaturash në formë disku kockor përgjatë qafës dhe shpinës dhe deri në bisht, i ngjashëm më krokodilin. Jakapil ka një gjatësi rreth 1.5 metra dhe peshon 4-7 kg. Mbetjet e saj të fosilizuara u gërmuan gjatë dekadës së fundit pranë një dige në Patagoni në zonën paleontologjike La Buitrera të provincës Rio Negro.

Sipas shkencëtarëve, Jakapil shënon një zbulim të parë në llojin e tij të një dinosauri të blinduar nga Kretaku në Amerikën e Jugut. Ai është pjesë e grupit të dinosaurëve thyreophoran që përfshin Stegosaurus, i njohur për pllakat kockore të pasme dhe bishtin me gjemba, dhe Ankylosaurus si tank, i mbuluar me një sipërfaqe të blinduar dhe me një bisht si shkop.

Fillimisht, Paleontologu kryesor Sebastian Apesteguia dhe kolegët e tij gjetën një skelet të pjesshëm të Jakapil së bashku me 15 fragmente dhëmbësh që shfaqnin një formë si gjethe, të ngjashme me dhëmbët e iguanës. Sipas Paleontologut, kurrë më parë nuk është gërmuar një tireoforan i tillë në hemisferën jugore.

SI.E./KT/Shqiptarja.com

TAG:
• dinozaur
• fosile
• Argjentine