Një mozaik i jashtëzakonshëm është zbuluar në Qipro, të cilin e arkeologët e përcaktojnë të shtatin, në listën e 6 mozaikëve më të mrekullueshëm në gjithë botën. Rreth 18 km nga kryeqyteti Nikosia, në vendin e Piadhia-Akaki arkeologët kanë nxjerrë në dritë një mozaik të jashtëzakonshëm që daton në shekullin IV pas Krishtit. Lajmin e ka bërë të ditur arkeologu italian Francesco Collura që ka qenë i pranishëm në këtë zbulim në Qipro. Collura ka postuar në facebook pamje të rralla, ku duken qartë njerëz, kafshë e figura që të japin imazhin e një skene të madhe teatrale.
Në fakt bëhet fjalë për gara sportive me përmasa madhështore të periudhës së antikitetit. Duke postuar fotot në rrjetin facebook, Francesco Collura është shprehur pak kohë më pas për bukurinë dhe madhështinë e këtij mozaiku: “Fuqia e bukurisë është e pabesueshme. Dje kam ndarë disa fotografi të një mozaiku të mrekullueshëm të zbuluar në Qipro. Disa nga miqtë e mi, nuk kanë mjaftuar duke e pëlqyer atë, por kanë shpërndarë postimet me mozaikun. Pra, si një pikë që bie në ujë dhe krijon rrathë valësh që përhapen pafundësisht, shumë të tjerë nga ana e tyre pasi e kanë vlerësuar zbulimin, kanë nisur ta shpërndajnë më tej. Më në fund, sot e gjej veten me qindra kërkesa për shoqëri në FB, dhe nis të pyes veten se çfarë paskam krijuar. Asgjë, veçanërisht këto ditë”.
Skenat që shihen në këtë mozaik janë katër: ku i njëjti njeri konkurron në katër karvane të ndryshme, që përfaqësojnë stade të ndryshme të konkurrencës, midis detajeve dhe dekorimeve të ruajtura të imazheve dhe hipodromit. Objekti i çmuar kishte mbetur i paprekur nëntokë për shekuj me radhë deri në vitin 1938, kur një fermer në fshatin e Akaki u pengua mbi një copë mozaik që ishte një pjesë tjetër e të njëjtit kompleks. Megjithatë, zbulimi nisi të bëhet realisht shumë vone, sepse gërmimet në vendndodhje nuk kishin filluar deri në vitin 2013, kur vazhdimi i mozaikut i gjend nën një rrugë, që ishte miratuar për t’u ndërtuar një hekurudhë. Ajo pjesë që u zbulua u shfaq për pak kohë në publik vetëm në vitin 2016, përpara se autoritetet vendosën që ta mbulonin për ta mbrojtur atë.
Arkeologët, kohët e fundit e hoqën shtresën e tokës dhe materialeve që ishin sipër këtij mozaiku për të mbrojtur vendin me qëllim që të fillojnë punën e restaurimit, por ata mendojnë se pas daljes në dritë të këtij mozaiku do të duhen disa vjet përpara se të mund të hapet për t’u vizituar nga publiku. Ky mozaik është një mrekulli që i përket së kaluarës.
Komente
Lajme të tjera
-
Data për zgjedhjet 2025/ Presidenti Begaj fton në presidencë përfaqësuesit e PS, PD e kreun e KQZ! Demokratët kanë refuzuar ftesën
25 Nëntor, 08:20 -
Të paktën një i vdekur pas rrëzimit të një avioni mallrash në Lituani
25 Nëntor, 08:16 -
Lufta/ Borrell: BE gati të sigurojë 200 milionë euro për ushtrinë libaneze
25 Nëntor, 08:12 -
Lufta/ Nënpresidenti i Këshillit të Sigurimit rus: Evropa rrezikon dëme katastrofike nëse vazhdon të mbështes Ukrainën
25 Nëntor, 07:59 -
Afera 'Partizani’/ Sot seanca paraprake në GJKKO për ish-kryeministrin Berisha, dhëndrin dhe 3 të tjerët! Vendoset nëse dosja kalon për gjykim
25 Nëntor, 07:48 -
Media spanjolle ‘El Periódico’: Vizitoni Shqipërinë për Krishtlindje, një perlë me peizazhe spektakolare dhe qytete historike
25 Nëntor, 07:37 -
Diell dhe temperatura deri në 15 gradë, parashikimi i motit për sot
25 Nëntor, 07:14 -
Ditë ideale për njohje dhe bashkëpunime të reja, çfarë kanë rezervuar yjet për sot
25 Nëntor, 07:06 -
Mero Baze: ‘Antimitingu’ dhe ‘rrahja’, identiteti primitiv i Sali Berishës
25 Nëntor, 07:03
-
Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës
24 Nëntor, 22:57 -
Botërori 2026/ Nga shorti i grupeve, kualifikueset dhe si do të funksionojë faza play-off! Kombëtarja në vazon e tretë
24 Nëntor, 22:56 -
Lezhë/ Përplasen 'kokë më kokë' dy veturat, plagosen në aksident 2 shoferët dhe pasagjeri (VIDEO)
24 Nëntor, 22:42
Jo nuk kemi
Përgjigju