Zbulohet vendi që trafikantët fshehën 4 milionë eurot në 2 makinat ‘Toyota', mister porositësi

Report Tv zbulon detaje të reja për operacionin në Durrës ku u gjetën dhe sekuestruan 4-5 milionë euro në 2 nga 9 makinat që po transportoheshin në një kamion me pronar Edi Likën. Policia kishte informacion nga INTERPOL-i për shumën e fshehur dhe nisi kontrollin, ndërsa fillimisht në njërën nga makinat tip Toyota Yaris’ u gjet një pjesë e shumës, e fshehur te dyert, ndërsa më pas u kontrolluan me imtësi dhe makinat e tjera dhe rezultoi që edhe në një tjetër ‘Toyota Yaris’ po te dyert ishte fshehur pjesa tjetër. Preja e kartëmonedhave është 20-she, 50-she dhe 100-she.

Report Tv ka siguruar edhe dëshminë e parë të Likës, që ka deklaruar se nuk ka dijeni për shumën rekord që ndodhej në makinat që po transportonte, ndërsa ishte kontraktuar për transportin nga një biznesmen. Ndërsa ende mbetet mister se cili ka qenë biznesmeni që ka porositur 9 makinat, 7 prej të cilave ‘Toyota Yaris’. Policia po vijon hetimet për të zbuluar biznesmenin. Ndërkohë që makinat dhe shuma e eurove janë sekuestruar nga prokuroria për llogari të hetimeve.  Operacioni është realizuar nga autoritetet shqiptare në bashkëpunim me palën italiane.

LEXO EDHE:
Do iknin nga porti i Durrësit/ Dy marokenë ishin fshehur poshtë kamionit! Dy turq u kapen me pasaporta false

TAG:
• pastrim parash
• porti durres
• Edi Lika

Sondazhi i ditës:

Sa i përhapur është korrupsioni në Shqipëri?

• Shumë

  84.6%

• Pak

  9%

• Nuk e di

  6.3%

Vota total: 3092

• Sondazhi i ditës:

  Sa i përhapur është korrupsioni në Shqipëri?

  Shumë Pak Nuk e di