Zbuloni profesionet që paguhen më shumë në vend, specialistët e IT-së ngjiten në vend të tretë

Zbuloni profesionet që paguhen më shumë në vend, specialistët e IT-së ngjiten në vend të tretë

Kushdo që kërkon të vazhdojë arsimin e lartë, apo të mësojë për një profesion të caktuar, në finale ka si qëllim të arrijë të paguhet sa më mirë. Edhe avancimi në karrierë ka të njëjtin synim, krahas realizimit profesional. Të dhënat e INSTAT për pagat mesatare për grup profesionet, tregojnë që ata që kanë mbaruar ekonomik dhe arrijnë në pozicion drejtues, administrativ apo komercial, kanë dhe mundësinë që të përfitojnë më shumë të ardhura. Ndërsa së fundmi, e preferuar po bëhet dhe teknologjia e informacionit,

Paga mesatare mujore në Shqipëri në vitin 2019 ishte 52.4 mijë lekë, sipas INSTAT, me një rritje prej 3.5% në raport me vitin e kaluar. E indeksuar me inflacionin, rritja është minimale, rreth 1.5%.

Por, cilat janë profesionet që paguhen më shumë në vend.

Është normale që pozicionet drejtuese janë ato që shpërblehen më shumë, duke pasur paga tre herë më të larta se mesatarja kombëtare. Sipas INSTAT, Drejtuesit administrativë dhe komercialë kanë një pagë mesatare bruto prej 154 mijë lekësh në muaj. Në raport me një vit më parë, paga e tyre është rritur me rreth 10% dhe në vlerë absolute ata kanë përfituar shtesën më të madhe të të ardhurave nga të gjithë profesionet e tjera.

Në vend të dytë janë sërish drejtuesit, por ata të prodhimit dhe shërbimeve të specializuara, me 114 mijë lekë në muaj. Edhe ky grup ka shënuar një rritje të pagës me 9%.

Specialistë të teknologjisë së informacionit dhe komunikimit kanë kaluar për herë të parë në vend të tretë, me një pagë mujore prej 92 mijë lekësh. Zhvillimi i vrullshëm i teknologjisë dhe nevoja e bizneseve për t’u përshtatur dhe qenë konkurrues, po i bën gjithnjë e më të kërkuar profesionistët e IT-së.

Puna në shtet nuk shpërblen më dhe aq shumë, edhe nëse je drejtues. Paga mestarë për Ligjvënës, nëpunës të lartë të administratës shtetërore dhe drejtorë ekzekutivë ishte 87.6 mijë lekë në 2019-n, me një rënie prej rreth 3% në raport me vitin e mëparshëm, duke zbritur nga vendi i tretë ku ishte në 2018-n. Ndërsa nëpunësit e zyrave paguhen mesatarisht 49.4 mijë lekë.

Specialistë të shkencave të fizikës, matematikës dhe inxhinierisë janë një profesion që ka parë rënie të pagës mesatare me rreth 1.2% në 84.7 mijë lekë.

Specialistë të administrimit dhe biznesit kanë të ardhura bruto mujore prej rreth 83 mijë lekë, ndonëse në 2019-n, nuk ka pasur rritje për ta.

Mësuesit paguhen mesatarisht me 63.4 mijë lekë, me rritje 3.3% me bazë vjetore.

Më pak i vlerësuar është profesioni i mjekut, i cili sidomos sot ka marrë një rol të veçantë.  Grup profesioni “Specialistë të shëndetësisë” ka një pagë mesatare mujore bruto prej 60 mijë lekësh, me një rritje prej 2.8% me bazë vjetore. “Asistentë të specializuar të shëndetësisë” paguhen me 48 mijë lekë.

Profesionet e tjera, që përgjithësisht janë punë që nuk kërkojnë shumë kualifikime, si në ndërtim, shitje, bujqësi, punëtore shtëpie, industri paguhem mes 30-40 mijë lekëve në muaj.

Më pak të paguarit janë “Punonjës të përpunimit të ushqimit, drurit, tekstileve dhe tjera të ngjashme”, me 30 mijë lekë në muaj, teksa krahu i lirë i fuqisë punëtore është një ndër avantazhet kryesore të eksportuesve shqiptarë./Monitor

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Teli: 03/08/2020 15:59

    Mjeket duhet te jene te paret. Te dytet inxhinieret e projektinit dhe arkitektet. Qe nje projekt qe bejne mbajne pergjegjesi gjith jeten. Dhe sot nuk vleresohen fare. Turp

    Përgjigju
  • Kozeta: 03/08/2020 15:35

    Profesioni i mjekut eshte elitar dhe si i tille duhet shperblyer.

    Përgjigju
  • Edq: 03/08/2020 14:31

    Pagat e mjekeve domosdoshmerisht duhet te ndryshojne. Te rriten pagat e tyre qe te ulet korrupsioni e te mos shogin mjeket duart e pacienteve sepse eshte profesioni me i gjate per tu arsimuar e specializuar. Jepuni mjekve vendin qe u takon sepse te mos i quajme heronj ne situata te tilla por te quhen gjithmone

    Përgjigju
  • Ada: 03/08/2020 12:11

    Paga qesharake

    Përgjigju
  • Profesioni deputet dhe politikan: 03/08/2020 10:16

    Ne shqiperi eshte e cuditshme profesione quhet edhe te jesh politikan apo deputet, te cilet ndonese jane pa shkolle dhe me diploma te falcifikuara kane arritur te ngjiten ne keto vende duke u bere servile te kokekateroreve qe drejtojne partite, dhe sidomos kane ngjitur shkallet duke u bere edhe presidente nepermjet grabitjes dhe korrupsionit aktiv dhe pasiv. Kur te mbaroje kjo plejade maskarenjsh atehere do kuptohet se kush eshte profesion i vertete dhe i fituar me merite dhe i provuar ne realitet.

    Përgjigju
    • Kozeta: 03/08/2020 15:32

      Profesioni i mjekut eshte elitar dhe si itille duhet shperblyer.Duhet te rishikoen pagat e tyre, pasi kane bere vite te tera shkollimi.

  • Sondazhi i ditës:

    Investimi i dhëndrit të Trump në Sazan, jeni dakord?



×

Lajmi i fundit

Mero Baze: Marrëveshja e normalizimit” është shans për të normalizuar Lulizm Bashën dhe PD

Mero Baze: Marrëveshja e normalizimit” është shans për të normalizuar Lulizm Bashën dhe PD