Falenderues për avionët F-16, Zelensky: Nëse Ukrainën e merr Kremlini, të gjitha vendet fqinje të Rusisë janë në rrezik për t'u pushtuar

Presidenti i Ukrainës, Volodymyr Zelensky, i ka falenderuar ligjbërësit danezë për mbështetjen e tyre ndaj Kievit në luftën kundër pushtimit rus

Zelensky gjithashtu tha se nëse Rusia arrin të marrë Ukrainën, do të kenë të njëjtin fat edhe vendet e tjera fqinje të Kremlinit. Ai shtoi se ky skenar do të sjellë dhimbje dhe vuajtje për shtetet e tjera evropiane,  sidoqoftë ai garantoi se Rusia nuk do të jetë në gjendje ta bëjë këtë, sepse Ukraina do të qëndrojë e fortë para armikut. 

“Të gjitha vendet fqinje të Rusisë janë në rrezik nëse Ukraina humbet", tha Zelensky në fjalimin e tij në Parlamentin e Danimarkës.

Sipas disa mediave greke, Zelensky pritet sot në Greqi, ku duhet të marrë pjesë në darkën joformale me liderët e BE-së dhe të Ballkanit Perëndimor që do të organizohet nga kryeministri grek Kyriakos Mitsotakis në Athinë.

Lajmi kryesor:

Lufta/ Ambasada e SHBA në Bjellorusi thirrje qytetarëve amerikanë: Largohuni menjëherë nga Bjellorusia! Zelensky: Greqia do të trajnojë pilotët ukrainas F-16

S.S/Shqiptarja.com

TAG:
• Volodymyr Zelensky
• ukraine