Zelensky 'ngre' Aleancën Industriale të Mbrojtjes, kompanitë më të mëdha të prodhimit të armëve në botë i bashkohen

Presidenti i Ukrainës, Volodymyr Zelensky duket se ka gjetur një zgjidhje për fortifikimin e mbrojtjes së Ukrainës nga agresioni rus.

Së fundmi, ai ka shpallur nismën të ashtëquajtur “Aleanca Industriale e Mbrojtjes”.

Në këtë nismë ku Zelensky ftoi kompanitë prodhuese të armëve nga e gjithë bota të shtrijnë veprimtarinë e tyre në Ukrainë duke iu ofruar bashkëpunim me shtetin ukrainas dhe kushte të veçanta në zhvillimin e punës, iu bashkuan 32 të tilla.

“Një ngjarje e rëndësishme e forumit ishte krijimi i Aleancës së Industrive të Mbrojtjes, të cilës mund t'i bashkohen të gjithë prodhuesit e armëve dhe pajisjeve ushtarake nga vende të ndryshme të botës. Në momentin e mbylljes së forumit, 38 kompani nga 19 vende iu bashkuan aleancës. Në kuadër të eventit pala ukrainase nënshkroi 20 dokumente me partnerë të huaj. Këto janë marrëveshje dhe memorandume për prodhimin e dronëve, riparimin dhe prodhimin e automjeteve të blinduara dhe municionit. Formatet e bashkëpunimit përfshijnë prodhimin e përbashkët, shkëmbimin e teknologjive, furnizimi me komponentë”,-është shprehur Zelensky.

Ukraina është e gatshme të ofrojë kushte të veçanta për kompanitë që dëshirojnë të zhvillojnë produkte të mbrojtjes së bashku me vendin tonë."-ka shtuar ai gjatë forumit.

Forumi mblodhi së bashku 252 kompani nga më shumë se 30 vende që prodhojnë armë, pajisje ushtarake dhe sisteme mbrojtëse.

Lajmi kryesor:

Lufta/ Zvicra vë në dispozicion 100 milionë euro shtesë për çminimin e Ukrainës! Putin ‘feston’ 1-vjetorin e aneksimeve: Ju e zgjodhët atdheun tuaj rus

M.T/Shqiptarja.com

TAG:
• lufta ne ukraine
• Zelensky