Ivica Daçiç tregon si u gjet lokacioni i personit të dyshuar për vrasjen e policit serb

Zëvendëskryeministri dhe ministri i Punëve të Brendshme i Serbisë Ivica Daçiç ka dhënë detaje shtesë rreth vrasjes së sulmuesit të policit serb, por sërish nuk ka konfirmuar identitetin e tij.

Daçiç tha për mediat serbe nga vendi i ngjarjes, se personi u zbulua me ndihmën e një informacioni nga një vendas që e njohu atë nga fotografia e publikuar.

"Ne publikuam një foto. Kjo ndihmoi, vendasit e njohën sepse i kërkoi ujë. Vendasit udhëtoi dy kilometra për të informuar policinë. Netët pa gjumë janë pas nesh, vetëm veprimi i përbashkët i të gjithëve mund të japë rezultat. Ne do punojnë në mënyrë të centralizuar, për të angazhuar anëtarët e njësive lokale dhe speciale së bashku”, tha Daçiç.

Ai deklaroi se i dyshuari fshihej buzë lumit Drina, duke kërkuar një mënyrë për ta kaluar lumin.

“Kur erdhi policia hapi zjarr, policia gjuajti dy të shtëna, filloi të ikte, hodhi nëntë plumba, policia e likuidoi, nuk kishte dorëzim”, tha Daçiç.

Ai shtoi se janë arrestuar më shumë persona që kanë pasur lidhje me këtë ngjarje.KosovaPress

Lajmi kryesor:

Mediat serbe publikojnë foton e të vrarit shqiptar Faton Harizi

Xh.K/G.K/Shqiptarja.com