POP 5

Lajmet më të lexuara të 5 minutave të fundit

Politikë

Zgjedhjet e 11 Majit/ PD zhvillon takime me Diasporën në Itali, Topalli, Alizoti, Hoti dhe Sula takojnë emigrantët në 3 rajone: Vota juaj na duhet për të rrëzuar Ramën

Teksa zgjedhjet parlamentare afrojnë, dy partitë e mëdha intensifikojnë takimet me Diasporën për të kërkuar votën më 11 Maj. Deputetët e PD i bëjnë thirrje emigrantëve se vetëm me votën e tyre mund ta largojnë qeverinë e Ramës 

Ndërsa fushata elektorale për zgjedhjet e 11 Majit 2025 po afron, dy partitë e mëdha politike në vend kanë shtuar intensitetin e takimeve me Diasporën.

Partia Demokratike ka zhvilluar takime në të paktën tre rajone të Italisë ditën e sotme (19 janar).

Emigrantët shqiptarë në Brescia kanë pasur një grup deputetësh prezentë, ku morën pjesë deputeti Dashnor Sula, Tomor Alizoti, përfaqësues të qarkut të Elbasanit dhe sekretari i PD, Flamur Noka.

Ish-kryeparlamentarja Jozefina Topalli ka qenë e angazhuar po sot në një takim me emigrantët në zonën e Pistoias, kurse deputetja Elda Hoti në atë të La Spezia.

Alizoti vuri theksin te domosdoshmëria e regjistrimit të emigrantëve shqiptarë, proces që përfundon më 4 mars, teksa u shpreh se vetëm me votën e emigrantëve mund ta rrëzojnë Edi Ramën nga pushteti. 

Deputeti demokrat Dashnor Sula theksoi se vota e diasporës është bërë një shqetësim i madh për kryeministrin Edi Rama, pasi shqiptarët jashtë vendit janë të pavarur nga presioni apo manipulimi i qeverisë.

Ndërkohë, i pranishëm edhe kryetari i degës së PD-së në Elbasan, Bledi Himçi, i cili i bëri thirrje të gjithë shqiptarëve që jetojnë jashtë vendit të regjistrohen sa më shpejt për të siguruar mundësinë e ndryshimit përmes votës së tyre.

Përfaqësuesit e Partisë Demokratike e cilësuan votën e diasporës si një faktor historik për zgjedhjet e 11 majit, duke e vlerësuar atë si vendimtare për të ardhmen e Shqipërisë.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 18 Janar, 08:40

    A duhen bërë publik emrat e politikaneve që kanë përdorur Sky Ecc?

Lajme të tjera



×

Lajmi i fundit

Balla këshilla Diasporës në Torino: Regjistrohuni të jepni votën për Shqipërinë në BE, kujdes me aplikimin në KQZ! S’duhen ndërruar as makina dhe as shoferi!

Balla këshilla Diasporës në Torino: Regjistrohuni të jepni votën për Shqipërinë në BE, kujdes me aplikimin në KQZ! S’duhen ndërruar as makina dhe as shoferi!

19 Janar, 20:35