TIRANË- Më e madhe se kurrë, fleta e votimit për 11 majin, në mbarë vendin do të jetë 60 cm e gjerë, dhe 30 cm e gjatë. Pavarësisht vërejtjeve të vogla të partive, komisioneri Ilirjan Celibashi miratoi përmbajtjen e fletës së votimit në të 12 qarqet, ku çdo subjekti i përket një kolonë.
Fleta e votimit ka këto masa gjigante pasi pasi në të do të përfshihen të gjithë emrat e kandidatëve për deputetë, qofshin ata në listë të mbyllur, por edhe në listën e hapur për të cilët mund edhe të votohet.
“Fleta e votimit është njësoj në kuptimin e madhësisë për të gjitha qarqet. Në Tiranë ka një dendësi më të madhe të emrave, por janë të gjithë të lexueshme, po të ishin me font më të madh do ishte më mirë. Por duke vendosur racionalitetin e madhësisë së fletës së votimit me mundësinë e leximit të kandidatëve, raporti qëndron mirë në këtë fletë votimi që kemi përgatitur.
Ajo që ngelet e rëndësishëm për kandidatët dhe forcat politike është që si asnjëherë tjetër më parë kanë përmbajtjen e fletës së votimit gati 1 muaj para fillimit të fushatës. Ndonjëherë na është dashur që të jetë fleta e votimit edhe në fushatë”, tha Celibashi.
Në krye është numri dhe logoja e partisë dhe koalicionit, e mes tyre kutia e madhe e bardhë ku votuesi duhet të zgjedhë subjektin. Më poshtë shënohet emri i koalicionit dhe kryetari i tij.
Në fjetën e votimit, janë pasqyruar kandidatët e listës së mbyllur, të renditur sipas partisë. Ata janë me shkronja më të vogla sesa kandidatët e listës së hapur, sepse nuk i nënshtrohen votës së zgjedhësve.
Në vijim të kolonës, me shkronja të mëdha, pa numër para, por me renditje sipas alfabetit të mbiemrave, janë kandidatët e hapur. Secili emër ka përpara një kuti, ku duhet të vendosë shënim zgjedhësi nëse preferon njërin prej tyre. Në këto zgjedhje kandidatët do të shënohen me Emër dhe Mbiemër në fletën e votimit, në ndryshim nga zgjedhjet e 2021 kur kandidatët u shënuan pa emra, por vetëm me numra.
E njëjta fletë votimi do të shpërndahen dhe në diasporë. Prodhimi i fletëve do të bëhet si zakonisht në Slloveni, ku kompani Cetis do të printojë të parat ato që janë për t’u dërguar jashtë vendit.
“Besoj që ne do të mbyllim procedurat e përzgjedhjes së kompanisë që do bëjë printimin dhe besoj fillimi i javës së parë ose të dytë do fillojë shpërndarja në diasporë. Mund të fillojë edhe pak më herët nëse ia dalim që procesi i printimit jashtë vendimit të prodhohet më shpejt. Votuesit nga jashtë do të kenë jo më pas se një javë kohë që ta kenë fletën e votimit për të bërë përzgjedhjen e tyre”, u shpreh Celibashi.
Fletët për diasporën do të vijnë të palosura nga fabrika, për të lehtësuar në KQZ, procesin e mbushjes së zarfeve. Fleta e madhe e votimi sjell nevojën që të zmadhohen edhe dhomat e fshehta. Ato që kemi përdorur deri më tani, janë të papërshtatshme, pasi nuk e nxënë fletën e madhe e të gjerë 60 cm, e nuk garantojnë fshehtësinë e votës, pasi një vëzhgues partie mund të kuptojë se kë votoi qytetari.
Ndaj për 11 majin do të prodhohen të reja. Kjo nuk është pasoja e vetme. Nëse në çdo qendër votimi vendosej një kuti për të hedhur fletën, tani do të duhen të paktën dy të tilla në çdo qendër, që të mbajtur letrën. Një ditë më parë, KQZ hodhi shortin për renditjen e subjekteve, nga ku rezultoi se Partia Socialiste do të ketë numrin 5, ndërsa Koalicioni i Berishës, numrin 1.
Në fotogalerinë më poshtë mund të shihni se si do duken fletët e votimit më 11 maj për secilin qark.
Komente
Lajme të tjera
-
Braçe nuk ndal ‘kritikat’: Do vazhdoj betejën për TVSH-në e bujqësisë, nuk pyes për ministrat që vegjetojnë
19 Mars, 17:08 -
Vetë kandidat i PS-së në Vlorë, Ardit Bido emëron zëvendësuesin e tij tek Drejtoria e Arkivave
19 Mars, 17:01 -
‘5 me 1’, Rama më 29 mars me shqiptarët e Kretës: Fitorja për Shqipërinë 2030 do jetë e thellë
19 Mars, 16:38 -
Shpjegimi me VIDEO, si të votoni në mënyrë të saktë në fletën gjigante më 11 maj! Format e rregullta dhe gabimet që nuk duhet të bëni
19 Mars, 15:10
-
Pas ftesës së Ramës, Berisha ‘josh’ Sulën: Vendi i tij është në PD! Lapaj është patericë e Edit! Mbron gjestin e turpshëm të Nokës në Kuvend
19 Mars, 12:50 -
‘Popullariteti në kërkime mund të ndikojë në vota’, inxhinieri i IT: Ja kush kryeson si politikani më i ndjekur në rrjete sociale
19 Mars, 12:45 -
Adriatik Doçi: 'Kunata' e Belo Këlliçit regjizorja e Babale 3! Llagami-Bushka, shpresa e fundit e PD për të rrëzuar Ramën
19 Mars, 10:27
-
Rama ftesë Dashnor Sulës nga Elbasani? PS shtëpi e hapur, por të dezinfektohet nga 'morrat' e kënetës! Partinë ia vodhën natën (VIDEO)
19 Mars, 08:58 -
'Numri 5 i PS në fletën e votimit, investim për Shqipërinë në BE', Rama: Mos shihni as majtas e djathtas, por drejt Unionit
19 Mars, 08:11 -
Fletë votimi gjigante/ Rama kritika KQZ: Qamet i madh, si libër! Ishte qendër votimi më vete, të ndiqnin modelin italian (VIDEO)
18 Mars, 23:06 -
Ylli Pata: Shkodra, vitrina politike reale e 'Aleancës Madhështore'
18 Mars, 22:42
-
Enkelejd Alibeaj i 'Djathtas 1912' kandidon familjarë në zgjedhjet e 11 majit! Fut dy vajzat dhe mamanë në listë të sigurtë të qarkut të Tiranës
18 Mars, 22:22
