Zgjedhjet e 6 marsit, Celibashi: Dakord me partitë për votimin elektronik në Vorë! Shkatërrohen të dhënat në pajisjen e identifikimit elektronik që u përdor në 25 prill

Kreu i KQZ-së, Ilirjan Celibashi bëri me dije sot se ka gjetur dakordësinë me partitë kryesore në vend për të aplikuar votimin elektronik në Vorë, në zgjedhjet e pjesshme të 6 marsit. Për mediat, Celibashi tha po ashtu se do të ketë fonde për partitë për këto zgjedhje, teksa shtoi se vlerën dhe modalitetin e shpërndarjes do ta përcaktojë Kuvendi.

"Kemi patur dakordësinë nga partitë kryesore politike mbi përdorimin e sistemit ët votimit elektronik në bashkinë e Vorës. Partitë do të marrin fonde për zgjedhjet e pjesshme vendore. Kemi bërë të gjitha proceduar dhe i mbetet Kuvendit pr të përcaktua fondin, vlerën e fondit dhe modalitetin e shpërndarjes", tha ai.

Këto komente kryekomisioneri Ilirjan Celibashi i bëri teksa deklaroi se sot ka nisur asgjësimi i të dhënave të zgjedhësve në pajisjen e identifikimit elektronik që u përdor në zgjedhjet e 25 prillit. Nga Lundra ai tha se ky proces do përmbyllet për 10 ditë për të pasur kohë për nisur përgatitjet për zgjedhjet e 6 Marsit.

“Ne sot fillojmë me procesin e asgjësimit të të dhënave në pajiset që janë përdorur për identifikimi e zgjedhësve dhe më pas ky proces  do vijojë me asgjësimin e të dhënave në server. Kjo mund të përfundojë për 10 ditë. Ajo është e rëndësishme, kemi marrë masat që ky proces të jetë i sigurt. Kemi marrë masa që këto të dhëna të ruhen dhe është e pamundur që të ketë përvetësim të këtyre të dhënave. Dhe nëse këto të dhënat mund t’i përfitojë dikush janë krejtësisht të palexueshme nga një palë e tretë", tha Celibashi.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Tjetër JO për negociatat nga BE, mendoni se Rama ka të drejtë me gjuhën e ashpër ndaj liderëve të Brukselit?



×

Lajmi i fundit

John

Zelensky: Rusia na ka vjedhur paqen, por nuk do të na shkatërrojë