Zgjedhjet lokale 2023, Berisha: Po vijojmë konsultimet me aleatët! Do kemi koalicion të gjerë

 

Sali Berisha ka komentuar zgjedhjet lokale 2023 duke thënë se po vijon diskutimet me aleatët. Teksa u shpreh se e mbështet mendimin e kandidatit të përbashkët, por duhen gjetur format më të përshtatshme për të mundur Ramën. Sipas tij, aleatët janë i gjithë spektri politik i djathtë, parti parlamentare dhe jo parlamentare.

“Opozita nuk i emëron siç i emëron Edi Rama, por do ti zgjedhë nga qytetarët. Ne miratuam në një mbledhje dy ditë më parë procedurën e përzgjedhjes së kandidateve nëpërmjet primareve, qytetarëve. Shënuam një hap jashtëzakonisht të madh përpara, duke njohur të drejtën e simpatizantëve për të votuar për kandidatin që duan. Pra sjellim në këto zgjedhje një risi thelbësore në interesin më të mirë të qytetarëve dhe demokracisë. 

LEXO EDHE:
Ylli Pata: 'Diversiteti' - Teza e Agron Gjekmarkajt, si tendë për ballkonin e Berishës

Ne nuk ka i cakton as droga, as partia shtet, as krimi. Ne kandidatët na i caktojnë qytetarët. Ne po vazhdojmë konsultimet me aleatët, të përcaktojmë këto 2-3 ditë format e daljes. Ka mendime për të dalë me kandidatë të përbashkët dhe unë e mbështes këtë mendim. Por ne jemi të hapur me aleatët tanë të gjejmë format më të përshtatshme të një gare të suksesshme. Aleatët janë i gjithë spektri politik i djathtë, parti parlamentare dhe jo parlamentare. Do kemi koalicion të gjerë”, tha Berisha.

Lajmi kryesor:

Veliaj kandidat për Tiranën? Berisha bën diversion: E konfirmoi Rama këtë apo ky Ramën? Ka një betejë mes të dyve, balancat janë drejt kryebashkiakut

/r.k./Shqiptarja.com

TAG:
• erion veliaj
• edi rama
• sali berisha