Zgjedhjet në Kosovë, Daka:
Nesër certefikimi i rezultateve

Certifikimi i rezultateve të zgjedhjeve të 8 qershorit në Kosovë, mund të bëhet nesër, pasi të përmbyllet afati ligjor në Gjykatën Supreme.  Kryetarja e KQZ-ës Valdete Daka ka thënë sea nkesat e subjekteve politike dhe të kandidatëve, gjykata duhet t’i shqyrtojë brenda 72 orëve.
 
Edhe rinumërimi i 51 vendvotimeve nuk solli ndonjë ndryshim te votat e subjekteve politike apo edhe te kandidatët për deputetë nga rezultatet përfundimtare të publikuara në fund të qershorit nga KQZ-ja.
  
Pas certifikimit të rezultatit presidentja e Kosovës Atifete jahjaga do t’i japë mandatin hashim Thacit, sipas vendimit të Gjykatës Kushtetuese, për të formuar qeverinë.
Kosova është në një krizë politikë, pas zgjedhjeve të 8 qershorit, me bllokun opozitar të formuar nga njëra anë dhe PDK-në që ka mbetur e vetme nga ana tjetër.
 
Ndërkohë duket se në Gjykatën Kushtetuese do të përfundojë edhe çështja për Kryetarin e Kuvendit të Kosovës. Kjo, pasi dy forcat politike, PDK në njërën anë dhe grupi opozitar në anën tjetër, kanë qëndrime shumë të kundërta rreth së drejtës që ato pretendojnë se kanë, se kujt i takon pozita e kryeparlamentarit.

Në rast se gjatë konstituimit të Kuvendit, kryeparlamentari i propozuar nga cilado forcë nuk i merr 61 votat e nevojshme, vendi shkon në zgjedhje të reja parlamentare, pa iu dhënë mundësia askujt për ta bërë qeverinë e re.
 
 

TAG:
• kqz