POP 5

Lajmet më të lexuara të 5 minutave të fundit

Kosova & Rajoni

Zgjedhjet, Thaçi: KQZ të respektojë
kushtetutën dhe ligjet në fuqi

KQZ duhet ta respektojë marrëveshjen e 19 prillit të Brukselit, si dhe Kushtetutën dhe ligjet e Kosovës. Kjo është kërkesa e kryeministrit Hashim Thaçi për këtë institucion. Edhe njëherë nuk ka munguar ftesa nga kryeministri, që serbët e pjesës veriore të vendit të marrin pjesë në zgjedhjet lokale të 3 nëntorit.
PRISHTINE- Komisioni Qendror i Zgjedhjeve duhet ta respektojë marrëveshjen e 19 prillit të Brukselit, si dhe Kushtetutën dhe ligjet e Kosovës. Kjo është kërkesa e kryeministrit Hashim Thaçi për këtë institucion. Edhe njëherë nuk ka munguar ftesa nga kryeministri, që serbët e pjesës veriore të vendit të marrin pjesë në zgjedhjet lokale të 3 nëntorit.

Këto komente kryeministri i vendit, Hashim Thaçi i ka bërë në mbledhjen e kabinetit qeveritar të mbajtur ditën e enjte.

“Qeveria e Kosovës do t’i kryejë të gjitha obligimet që dalin karshi Komisionit Qendror Zgjedhor, që të jenë zgjedhjet të lira, fer dhe demokratike. Këto janë zgjedhje jashtëzakonisht të rëndësishme, sepse organizohen përherë të parë në gjithë territorin e Republikës së Kosovës, ku do të marrin pjesë të gjithë qytetarët pa dallim etnik. Do të marrin pjesë edhe serbët në veri dhe i ftoj për përgatitje sa më të mira edhe ata, qoftë në formimin e partive politike, lëvizjeve politike, kandidatëve të pavarur, që të respektojnë afatin e rregullt në regjistrim në Komisionin Qendror të Republikës së Kosovës. Ndërsa inkurajoj KQZ që të respektoj në plotëni marrëveshjen e 19 prillit, kjo marrëveshje që siguron dhe garanton organizimin e zgjedhjeve në tërë territorin e Kosovës, sipas ligjeve të Kosovës”, ka theksuar kryeministri Thaçi.

Kryeministri gjatë ditës së djeshme ka zhvilluar një bisedë telefonike me baroneshën, Catherine Ashton, nga e cila, siç ka thënë ai, ka marr mbështetjen për hapat e mëtejshëm të dialogut për normalizimin e marrëdhënieve mes Kosovës dhe Serbisë.

Gjithashtu, ai ka thënë se dje është konfirmuar edhe mbështetja e fuqishme e SHBA-ve për gjithë këtë angazhim për ndërtimin e relacioneve europiane mes dy shteteve për të siguruar një të ardhme të sigurt dhe më të shpejtë europiane dhe Euroatlantike.

“Kosova shkon e përgatitur në takim, duke respektuar plotësisht të gjitha vendimet kushtetuese të Kosovës. Pra ka mbetur që të përmbyllet edhe formalisht marrëveshjet për telekomunikacionin dhe energjinë, pasi që sa i përket Kosovës dhe BE-së janë të përmbyllura, gjithashtu edhe sa i përket disa përkushtimeve tjera. Besoj se do të vazhdojë implementimi sipas axhendës së parashikuar. Implementimi i marrëveshjes është jetik”, ka theksuar ai.

Ndërkohë pas takimit që kryeministri do të zhvillojë në Bruksel, do të vazhdoj për në New York, ku do të marrë pjesë në prezantimin e gjithë këtij procesi, por edhe progresit të arritur në Kosovë në mbledhjen e Këshillit të Sigurimit të OKB-së, që do të mbahet më 27 të këtij muaji.

Marrë nga "RTK"

Redaksia Online
(e.s/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Lutfi Dervishi: Shqipëria hesht për Kryepeshkopin! Përse?

Lutfi Dervishi: Shqipëria hesht për Kryepeshkopin! Përse?

11 Janar, 11:56 nga Lutfi Dervishi