Zgjedhjet vendore, Meta: PD të jetë e qartë kur do dalin me kandidat kundër Ramës! Boll me gënjeshtrat e tij, s’na e ka fajin Putini për krizën

 

I pyetur për zgjedhjet vendore të 2023 dhe primareve të Berishës, Meta tha se Partia e Lirisë nuk është në dorë të askujt dhe se pret që sa më shpejt PD të jetë e qartë për daljen e kandidatit kundër Rilindjes. Meta tha se të paktën deri tani, qëllimi i vetëm është të largohet Edi Rama i cili për aktet e tij justifikohet me Vladimir Putin. Meta shtoi se asnjë çmim në rajon nuk është rritur si në Shqipëri, duke veçuar këtu Serbinë, e cila sipas tij po mbrohet nga vllazëria me Ramën për mos vendosjen e sanksioneve ruse.

‘Ne nuk kemi lënë në dorë të askujt, gjithsecili merr fatin e tyre në duart e tyre. E rëndësishme është PD sa më shpejt të jetë e qartë për momentin se kur do dalin kandidatët për rilindjen. Për zgjedhje s’do votohet as për Berishën as për Metën por do votohet për kandidat konkret.

LEXO EDHE:
Spastrimi nga ‘tradhtarët’ e nepotizmi, nesër konventa ‘kuqezi’ e PL! Sulme ndaj SPAK e ‘vizitë’ te Berisha

Fitore për opozitën dhe të gjtihë qytetarët shqiptarë, boll me përrallat dhe gënjeshtrat e Edi Ramës. 10 vite akuzonte Berishën ndërkohë që vjedh vetë, tani ka dalë me pretekstin se vjedh Putini. Nuk na e ka fajin Putini ne për inceneratorët, as për drejtësinë, as për rrugët, as për PPP. Për këto e ka fajin vetëm Edi Rama.

Se ça është Putini e di gjtihë bota, diktator, agresor për luftën jo vetëm për këtë, por ne e dimë se çmimet në ukrainë janë më të lira se në Shqipëri, ashtu sikurse karburanti ëhstë më i lartë sesanë Maqedoni, në Kosovë, Mal të Zi madje dhe Serbi që ëhstë kundër sanksione dhe që ky i lutet botës të mos ti bëjnë gjë vëllait të tij.’- tha Meta.

Lajmi kryesor:

Kursimi dhe nxitja e diversifikimit të energjisë, Partia e Lirisë depoziton paketë me ndryshime ligjore! Meta: Mbron konsumatorët nga rritja e çmimeve

G.MO/r.k./Shqiptarja.com

TAG:
• Partia e Lirise
• Ilir Meta
• edi rama
• kriza energjetike