Zgjerohet harta e shteteve që vendosin sanksione ndaj Rusisë! BE: 27 persona e institucione ruse që kërcënojnë Ukrainën do përballen sanksione! Ukraina shpall gjendjen e jashtëzakonshme

Shtëpia e Bardhë sapo ka njoftuar sanksione ndaj prodhuesve të gazsjellësit “Nord Stream 2” që lidh Rusinë dhe Gjermaninë.

Presidenti amerikan bëri “goditjen” e radhës ndaj Rusisë, duke i cilësuar këtë si “këstin e parë të sanksioneve”.

“Sot, kam urdhëruar administratën time që të vendosë sanksione ndaj Nord Stream 2 AG dhe oficerëve të saj të korporatës. Këto hapa janë një pjesë tjetër e këstit tonë fillestar të sanksioneve në përgjigje të veprimeve të Rusisë në Ukrainë”, tha Biden.

Projekti prej 10 miliardë eurosh përfundoi shtatorin e kaluar.

Vendimi i SHBA vjen pasi kancelari gjerman Olaf Scholz njoftoi se tubacioni do të qëndronte i mbyllur si një përgjigje për veprimet e Rusisë ndaj Ukrainës.

Çfarë është ‘Nord Stream 2”

Nord Stream 2 është një tubacion 1200 km nën Detin Baltik, i cili do të çojë gazin nga bregu rus pranë Shën Petersburgut në Lubmin në Gjermani.

Nuk është hapur ende dhe certifikimi u ndërpre dje nga qeveria gjermane.

Nord Stream 2 shkon paralelisht me një gazsjellës ekzistues, Nord Stream, i cili ka funksionuar që nga viti 2011.

Së bashku, këto dy tubacione mund të dërgojnë 110 miliardë metra kub gaz në Evropë çdo vit. Kjo është më shumë se një e katërtatë gjithë gazit që vendet e Bashkimit Evropian përdorin çdo vit.

Kryeqytetet e Gjermanisë dhe Francës kanë treguar solidaritet ndaj Kievit, duke veshur monumentet e tyre historike me ngjyrat e flamurit ukrainas.

"Ne po tregojmë solidaritetin tonë me popullin e Ukrainës" tha kryebashkiaku i Berlinit Franziska Giffey.

 Kryebashkiakun i Parisit tha se Evropa edhe një herë, "fantazma e luftës shfaqet në pragun e Evropës."

Porta e Brandenburgut u ndriçua në Berlinit 

Parisi ndezi Bashkinë

Ambasada ruse në Kiev ka nisur evakuimin e diplomatëve nga Ukraina. Zëdhënësja Maria Zakharova tha se kjo ishte për shkak të “sulmeve të shumta” ndaj misioneve diplomatike ruse në të gjithë Ukrainën dhe “veprimeve agresive” kundër diplomatëve rusë.

Ministri i Jashtëm i Ukrainës, Dmytro Kuleba duke folur në Asamblenë e Përgjithshme të Kombeve të Bashkuara, i ka bërë thirrje se duhet të veprojnë shpejtë, në mënyrë konkrete dhe të vendosur.

Ai e cilësoi këtë pikë të krizës si kritike për historinë botërore, dhe se veprimet në vijim do të përcaktojnë dekadat e ardhshme.

Kulebva tha se “të gjithë kemi lexuar për gabimet që kanë bërë politikanët në prag të luftërave të tjera botërore”, ndërsa i kërkoi vendeve të mos i përsëriten ato.

Akuza e Rusisë se Ukraina ka përshkallëzuar situatën është absurde, thotë Kuleba. “Deklaratat e Rusisë janë skandaloze dhe të tmerrshme dhe shkojnë përtej kërcënimit të Ukrainës”.

Ai tregon fjalimin e Vladimir Putin në fillim të kësaj jave, kur tha se Ukraina nuk ka të drejtë të ekzistojë.

“Kushdo që mendon se e ekzagjeroj, duhet ta shikojë këtë fjalim të tmerrshëm”, shton ai.

Një sulm kibernetik ka “goditur” bankat dhe ministritë e qeverive në Ukrainë.

Një ministër i ka thënë agjencisë së lajmeve “Interfax” se shërbimet për disa institucione ukrainase, duke përfshirë ministrinë e shëndetësisë, sigurisë dhe të jashtme, janë hequr nga linja nga një sulm i ashtuquajtur “DDOS”

Ai shtoi se nga ndërprerja janë prekur edhe disa banka.

Sulmet DDOS, ose Refuzimi i Shpërndarë i Shërbimit, synojnë të mposhti faqet e internetit duke përmbysur një rrjet me trafik të rremë dhe duke e parandaluar atë të komunikojë siç do të bënte zakonisht.

Autoritetet ukrainase thanë këtë javë se kishin parë paralajmërime në internet se hakerët po përgatiteshin të kryenin sulme të mëdha ndaj agjencive qeveritare, bankave dhe sektorit të mbrojtjes.

Në një kohë kur bota është bëtë një “grusht” kundër Rusisë për të parandaluar një pushtimi të mundshëm të Ukrainës, rusët sipas një sondazhi të zhvilluar nga CNN mendojnë që do të ishte e drejtë të luftonin dhe të përdornin forcën ushtarake për të parandaluar bashkimin e Kievit me NATO.

50% e rusëve që votuan në sondazh, mendojnë se lufta do të ishte zgjedhja e duhur, 25% thonë se është e gabuar, ndërsa pjesa tjetër janë të pasigurt.

Por sondazhi zbuloi gjithashtu se më shumë rusë mendojnë se do të ishte e gabuar sesa e drejtë përdorimi i forcës ushtarake "për të ribashkuar Rusinë dhe Ukrainën" - dy vende me një histori të gjatë dhe të ndërlikuar të ndërthurjes.

Ukraina njoftoi mesditën e kësaj të mërkure se do të shpallë gjendjen e jashtëzakonshme. Lajmi u bë i ditur nga Këshilli Kombëtar i Sigurisë.

Vendimi erdhi pas një mbledhje të këtij Këshilli. Zyrtari i lartë ukrainas Oleksiy Danilov tha se gjendja e emergjencës shtetërore do të vendoset në të gjitha rajonet, me përjashtim të Donetsk dhe Luhansk, ku forcat ukrainase janë tashmë në luftë me separatistët e mbështetur nga Rusia.

Gjendja e jashtëzakonshme do të vendoset fillimisht për 30 ditë. Megjithatë, siç shkruan BBC, kjo lëvizje duhet të aprovohet më parë nga parlamenti Ukrainas.

Papa Francesku ka folur për situatën në Ukrainë dhe tensionet me Rusinë. Ai u ka bërë thirrje të gjitha kombeve që të ulin tensionet dhe të reagojnë me ndërgjegje, pasi sipas tij, lufta do të ketë pasoja serioze në të gjithë komunitetin ndërkombëtar.

“Kam një dhimbje të madhe në zemër për përkeqësimin e situatës në Ukrainë. Pavarësisht përpjekjeve diplomatike të javëve të fundit, skenarë gjithnjë e më alarmantë po hapen. Si unë, edhe shumë njerëz në mbarë botën, po ndjejnë ankth dhe shqetësim. Edhe një herë, paqja e të gjithëve kërcënohet. Dua t’iu bëj thirrje atyre që kanë përgjegjësi politike të bëjnë një ekzaminim të ndërgjegjes para Zotit, Zotit të paqes dhe jo të luftës. Ne kemi nevojë për vëllezër dhe jo për armiq. Kërkoj nga të gjitha palët e përfshira që të përmbahen ndaj çdo veprimi, që shkakton vuajtje për popullsinë”, tha Papa

Ukraina u ka thënë qytetarëve të saj që të mos vizitojnë Rusinë dhe paralajmëroi çdo ukrainas që ndodhet atje të largohet menjëherë.

“Ministria e Jashtme rekomandon që qytetarët e Ukrainës të përmbahen nga çdo udhëtim në Federatën Ruse dhe ata që ndodhen në këtë vend të largohen menjëherë nga territori i saj”, thuhet në një deklaratë (në rusisht), raporton BBC.

Ministria e Jashtme thotë se "intensifikimi i agresionit rus kundër Ukrainës" do të thotë se ajo nuk do të jetë në gjendje të ofrojë ndihmë konsullore për ukrainasit në Rusi.

Ky veprim mund të prekë disa milionë shtetas ukrainas, të cilët vlerësohet se jetojnë në Rusi.

Shumë vende të Evropës Lindore po përgatiten të pranojnë potencialisht qindra mijëra njerëz që mund  të duan të largohen nga Ukraina nëse kriza me Rusinë përshkallëzohet. Hungaria do të vendosë njësi përforcuese ushtarake  pranë kufirit  me Ukrainën , për arsye sigurie por edhe për ndihma humanitare në rast se ukrainasit dynden drejt vendit, njoftoi  Ministria e Mbrojtjes.

“Siguria e Hungarisë është gjëja më e rëndësishme, ne po forcojmë kufirin ukrainas-hungarez”, thuhet në deklaratë.

Ministria shtoi se mbrojtja e kufirit dhe përgatitja e një misioni humanitar janë projekte  të rëndësishme, por nuk tha se sa trupa ushtarakë  do të dislokohen në kufi. Më herët gjatë ditës, kryeministri hungarez Viktor Orban mblodhi këshillin e  sigurisë kombëtare dhe i kërkoi ministrit të mbrojtjes  të parandalojë grupet e armatosura që të kalonin kufirin.

Ndërkohë, Rumania po përgatitet të pranojë 500 000 refugjatë të mundshëm nga Ukraina në rast të një pushtimi rus. Edhe Sllovakia po përgatit forcat e saj të armatosura për të ndihmuar në menaxhimin e çdo fluksi të mundshëm refugjatësh nga Ukraina, pasi njohja nga Rusia e dy rajoneve të shkëputura e përshkallëzoi krizën.