Dimitar Kovaçevski zëvendëson kryetarin e deritanishëm Zoran Zaev, i cili dha dorëheqjen pas disfatës së thellë të LSDM-së në zgjedhjet lokale më 31 tetor. Kovaçevski pritet të jetë edhe kryeministër i RMV-së.
"LSDM mbajti edhe një leksion nga demokracia. Të gjithë mund të festojmë zgjedhjet e suksesshme, por nga nesër duhet të përveshim mëngët dhe t'i rrekemi punës. Përgjegjësia është e jona për gjithçka që do të ndodhë në parti, por edhe në vend”, deklaroi Dimitar Kovaçevski pas zgjedhjes kryetar i LSDM-së.
Ai theksoi në fjalimin e tij se çdoherë kur LSDM është e fuqishme dhe ka agjendë të qartë, shteti ecën përpara.
"Prandaj na duhet LSDM e fuqishme dhe e bashkuar e cila ka qëllime të qarta dhe energji për zbatimin e saj. Ne jemi shtyllë e pjesës progresive të shoqërisë dhe qytetarët me të drejtë presin nga ne të punojmë me përkushtim dhe me përgjegjësi. Na pret punë e vështirë që ta kthejmë besimin tek qytetarët dhe anëtarësia”, tha Kovaçevski.
Ai falënderoi liderin e deritashëm të Zoran Zaev për guximin e tij që çdo herë ka motivuar dhe inspiruar.
Bashkë, me përgjegjësi dhe përkushtim
"Zaevi e konsolidoi LSDM-në në kushte shumë të vështira, e ktheu lirinë dhe demokracinë të cilën e rrëzoi regjimin e Gruevskit.Ai e anëtarsoi RMV në NATO dhe e solli para dyerve të negociatave të BE-së”, tha Kovaçevski.
Programi i tij i titulluar "Bashkë, me përgjegjësi dhe përkushtim” ka tri parime kryesore- unitetin, vlerat socialdemokrate dhe kapacitetet profesionale.
"Qytetarët duhet ta rikthejnë besimin tek e ardhmja e vendit. Çelësi për këtë është tek vendosja e njerëzve të duhur në pozitat e duhura, si dhe krijimi i një sistemi në të cilin secili do të jetë përgjegjës për detyrat e veta. Nevojitet gjithashtu një qeverisje e përgjegjshme dhe një luftë e qartë kundër krimit dhe korrupsionit”, ka deklaruar kryetari i posazgjedhur i LSDM-së Dimitar Kovaçevski.
Mickovski paralajmëron doktrinë të re dhe freskim kadrovik
Edhe partia më e madhe opozitare maqedonase VMRO-DPMNE në kongresin e partisë ka konfirmuar kryetarin aktual Hristijan Mickoski edhe për një mandat të ri. Mickoski përsëriti para delegatëve të kongresit kërkesën për zgjedhje të parakohshme të cilat sipas tij janë zgjidhje e vetme për dalje nga kriza politike.
"Suksesi ynë në zgjedhjet lokale tregon se në vendi ka nevojë për ndryshime edhe në pushtetin qendror. Ndryshimet janë të pashmangshme. Populli ka pritshmëri dhe shpresë nga ne dhe ne duhet të bëjmë ndryshime”, ka deklaruar Mickoski pas rizgjedhjes në krye të partisë.
Në kongresin me moto "Gjeneratë e re për ardhmëri të re”, VMRO-DPMPNE paralajmëroi edhe doktrinë të re dhe freskim kadrovik./DW
Komente
Lajme të tjera
-
Arrestohet pronari i kompanisë 'Ritron Kopi' në lidhje me rastin e Lotarisë Shtetërore maqedonase
26 Dhjetor, 20:51 -
Në kërkim pas shpalljes non grata, Artan Grubi dyshohet se fshihet në Shqipëri! Dëshmia e biznesmenit: E dërgova me makinë deri në Tiranë
25 Dhjetor, 10:17 -
Gjykata Penale e Shkupit refuzon ankesën e Grubit, vendimi për paraburgim mbetet në fuqi
24 Dhjetor, 22:48 -
Ligji për Gjuhët në Maqedoninë e Veriut do të shqyrtohet në mars të vitit tjetër
23 Dhjetor, 18:19 -
Arben Taravari paralajmëron ‘arrestimin’ e Ali Ahmetit
20 Dhjetor, 10:11 -
Grubi në kërkim ndërkombëtar, reagon BDI: Propozuam ligj për mos futjen e non gratave në zgjedhje, e rrëzuan ata që na akuzojnë sot
19 Dhjetor, 11:32 -
Non grata nga SHBA/ Maqedonia e Veriut kërkon arrestimin e Artan Grubit, shpallet në kërkim ndërkombëtar
18 Dhjetor, 11:12 -
Shkup, Gjykata i cakton masën e paraburgimit ish-zv/kryeministrit Artan Grubi
17 Dhjetor, 17:39 -
Ali Ahmeti takohet me opozitën në Kosovë: Nuk takohem me Kurtin, sepse s’ka vullnet nga ana e tij!
17 Dhjetor, 14:54 -
Katër të arrestuar në rajonin e Strugës dhe të Gostivarit, të dyshuar për veprimtari terroriste
16 Dhjetor, 17:48 -
Policia maqedonase bastis shtëpitë e Artan Grubit dhe Përparim Bajramit
16 Dhjetor, 11:09 -
'S’jam politikan i salloneve dhe biskotave', Ali Ahmeti: Nuk lejoj të preket ligji për gjuhën shqipe
13 Dhjetor, 10:34
