"Është ekipi më i mirë". Ky ishte komenti i parë i Sali Berishës pas zgjedhjes së kupolës së re drejtuese me të cilën do të bashkë-drejtojë selinë blu, përmes premtimit për ripërtëritje, por që në postet më të rëndësishme pas kryetarit, ricikloi të njëjtët emra.
Rezultati i votimit të së mërkurës nga anëtarët e këshillit kombëtar të PD-së nuk prodhoi surpriza për numrin 2 të Partisë Demokratike.
Në një garë të lehtë dhe mes polemikash, Flamur Noka ri konfirmohet Sekretar i Përgjithshëm duke marrë 184 vota përballë rivalit që grumbulloi 84 vota, Saimir Korreshi, i vendosur në këtë garë vetëm ditën që nisi edhe votimi. Në mbledhjen e së mërkurës, ai u cilësua nga Ilirjana Kuçana si “fenomen që duhet luftuar.” Anëtarja e Këshillit e pyeti drejtpërdrejt kryetarin Sali Berisha për rikandidimin e Nokës.
Në garën mes Luçiano Boçit dhe Belind Këlliçit për një nga 5 nënkryetarët e partisë, triumfoi ky i fundit me 177 vota përballë 113 të Boçit.
Nënkryetarë zgjidhen edhe Nikola Kedhi nga të rinjtë dhe Erisa Bajaziti nga diaspora, ndërsa Gazment Bardhi dhe Agron Gjekmarkaj vijojnë të qëndrojnë exofficio si nënkryetarë, për shkak të detyrave të tyre si kryetar grupi parlamentar dhe nënkryetar Kuvendi. Kështu, PD do të ketë 5 nënkryetarë.
Klevis Balliu merr detyrën e Sekretarit Organizativ, ndërsa Marash Logu atë të Sekretarit për çështjet zgjedhore dhe ligjore.
Me votimin e së mërkurës, mbyllet i gjithë procesi zgjedhor që ka përfshirë partinë më të madhe opozitare prej disa muajsh, proces që u kontestua nga disa demokratë, sic një ditë më parë artikuloi publikisht anëtarja e Këshillit Kombëtar Ilirjana Kuçana që se në PD emërimet bëhen me bekimin e Flamur Nokës.
Komente
Lajme të tjera
-
Roland Bejko: Berisha si Guliveri, ngatërron me dashje "liliputët" me "gjigandët"
16 Korrik, 17:49
-
Tabaku: Qeveria po sakrifikon tokën bujqësore për klientët e radhës, bujqësia është në koma (VIDEO)
16 Korrik, 16:50 -
‘Ndahet’ Territorialja, Berisha: Nuk pranojmë variantin e PS! Deklarata e ministres serbe për spastrimin etnik në Kosovë? Të shpallet non grata
16 Korrik, 13:00 -
Ndryshimi mund të presë edhe pak...
16 Korrik, 12:39
-
'Nuk ka garë në PD', Alesia Balliu: Partia ka nevojë për rinovim, me Berishën nuk fitohen zgjedhjet!
16 Korrik, 12:31 -
‘Mezi pres Saliun’, Balla: Kam dokumentin që Berishën do ta qeshë gjithë Shqipëria, ka firmosur masterplanin për zhvillimin e Zvërnecit (VIDEO)
16 Korrik, 12:17 -
Financimi i koncertit të Kanye West, PD: KLSH të bëjë audit
16 Korrik, 12:06 -
Thoma Gëllçi: PD ka shumë probleme, por të gjitha e kanë emrin Sali Berisha
16 Korrik, 08:26
-
Përplasja mes Kuçanës dhe Berishës në mbledhjen e Këshillit, zbardhet rezoluta për ç’rrënjosjen e 'mulizimit' që u la jashtë rendit të ditës
15 Korrik, 22:15 -
Opozita akuza Avokatit të Popullit: Largohu nga qëndrimet politike! Shabani: Jo politikë me institucionin e pavarur
15 Korrik, 21:36
-
Protesta/ Sulm SHBA-së dhe BE-së: Krijuan SPAK, po na godet pas shpine! Shpalosen të tjera kërkesa, Gjeka: Fond për menaxhimin e pasurive në bregdet
15 Korrik, 19:46 -
Tenderi 950 mijë euro për rregullimin e Unazës së Burrelit, PD: Po paguhen dy herë pasojat e një investimi të dështuar
15 Korrik, 18:12
