KAPSHTICE-Pas 4 netëve jashtë në shi dhe dëborë, pasditen e sotme është zgjidhur problemi i shqiptarëve që nuk janë rezident në Greqi, por që i zuri situata nga koronavirusi jashtë kufijve dhe prej orës 16:00 të së premtes qëndruan në tokën neutrale në doganë duke kërkuar që të rikthehen pranë familjeve të tyre. Në pikën kufitare janë mbi 40 emigrantë aktualisht, por autoritetet vendosën që të pranojnë vetëm 35 prej tyre që nuk janë rezident në vendin fqinj, ndërsa të tjerët duhet të kthehen.
Evakuimi u bë pasditen e sotme, pas plotësimit të procedurave dhe kontrollit mjekësor, ndërsa shqiptarët u dërguan me automjetet e autoriteteve në një nga hotelet në qytetin e Korçës, ku do të qëndrojnë për 14 ditë në karantinë. Shpenzimet për 35 shqiptarët do të mbulohen nga Këshilli Kordinues i Diasporës. Në hotel gjatë qëndrimit për 14 ditë në karnatinë, të gjithë personat do të jenë të monitoruar nga policia dhe pas përfundimit të këtij afati do të lejohen që të shkojnë pranë familjeve të tyre. Sot njëri prej emigrantëve, që po qëndronte në kufi, një 32-vjeçar përfundoi në spital, pasi iu përkeqësua gjendja shëndetësore.
Por çfarë do të ndodhë në vijim? Kreu i qeverisë sqaroi dje se për ata që kanë emergjenca të ndryshme të cilat do të verifikohen, do të lejohet të futen në Shqipëri, por jo duke shkuar menjëherë pranë familjarëve të tyre. Rama tha se ata do të karantinohen për 14 ditë në një hotel pranë pikës kufitare, dhe do të paguajnë vetë të gjitha shpenzimet. Nuk do të lejohet askush të dalë nga dhoma - tha Rama - pasi do të ketë polici në strukturat hoteliere. Athina zyrtare ka mbyllur kufijtë në hyrje, por jo në dalje. Ambasada greke në Tiranë njoftoi se shqiptarët që duan të kthehen nuk do të pengohen, ndërsa ata që duan të qëndrojnë dhe u kalon afati 90 ditor i qëndrimit nuk do të gjobiten (lexo ketu).
Me polici në hyrje të hotelit, mbërrijnë në orët e mbrëmjes 35 emigrantët që ishin të bllokuar që të premten në tokën neutrale në pikën kufitare të Kapshticës.
35 emigrantët shqiptarë do të qëndrojnë në një hotel dhe do të karantinohen për 14 ditë. Një autobus bëri transportin e tyre drejt hotelit, në hyrje të të cilit vihet re prani e efektivëve të policisë.
Kostoja e qëndrimit të tyre dhe vaktet ushqimore do të paguhen nga Këshilli Koordinues i Diasporës.
Lajme të tjera
-
Greva e sindikatave greke, vijon edhe sot bllokimi në pikat kufitare me Greqinë! Nuk lejohet të kalojë asnjë makinë, vetëm këmbësorët
3 Prill, 08:54 -
VIDEO/ Audi plot me drogë drejt Greqisë, bllokohen 51 kg kanabis në Kapshticë, ishin fshehur në shasi! Tre në pranga (EMRAT)
8 Mars, 13:53
-
Me tre tufa me euro në çantë tentojnë të largohen nga Kapshtica, sekuestrohen 29 mijë euro
24 Shkurt, 11:27 -
Mbaruan festat e pushimet, shqiptarët largohen nga atdheu për në shtëpitë e tyre! Fluks në Kapshticë, Muriqan dhe Han i Hotit
5 Janar, 12:01
-
Fluksi i udhëtarëve, në portin e Durrësit rikthehen lundrimet e dyfishta të trageteve! Në Kapshticë e Kakavijë dalin 10 mijë emigrantë në 24 orë
4 Janar, 15:39 -
Festat/ Bie fluksi i emigrantëve në kufi, ja sa qytetarë kanë hyrë nga Kapshtica në 24 orët e fundit
25 Dhjetor 2023, 12:35
-
Festat bashkojnë familjet, shqiptarët kthehen në atdhe! Numër i lartë hyrjesh në Kakavijë, Kapshticë, Morinë dhe në Portin e Durrësit e Vlorë
24 Dhjetor 2023, 09:21 -
Kapshticë/ Emigrantët 4 orë pritje për të hyrë në Shqipëri, pala greke me sportele të reduktuara! Qytetarët thirrje Ramës të ndërhyjë
23 Dhjetor 2023, 09:30 -
Kthimi i emigrantëve për festat e fundvitit, fluks në pikën kufitare të Kapshticës, 3243 persona hyjnë në vend gjatë 24 orëve të fundit
22 Dhjetor 2023, 13:27 -
Kaloi 26 kg kanabis drejt Greqisë, shefi i kufirit në Korçë doli nga makina pasi e kaloi në Kapshticë pa kontroll! Përjashtohet nga policia
1 Dhjetor 2023, 18:06 -
Hipi në makinën me 26 kg kanabis dhe e kaloi në Greqi, arrestohet Shefi i Kufirit në Policinë e Korçës! U bëri presion kolegëve të mos e kontrollonin (EMRI)
30 Nëntor 2023, 18:41 -
E dënuar për prostitucion, arrestohet 55-vjeçarja në pikën kufitare të Kapshticës (EMRI)
5 Nëntor 2023, 09:10
